მკვლევარები PubMed-ის სამედიცინო და ბიოლოგიურ მონაცემთა ბაზაში ეძებდნენ სტატიებს, სადაც ხვდებოდათ ცნება "გადაჭარბებული გამოყენება", ასევე ნახსენები იყო მკურნალობის "ზედმეტი, არაშესაბამისი და არააუცილებელი" მეთოდები.

კვლევამ ორიათასზე მეტი შედეგი ამოიღო, რომლებიდანაც გამოყოფილი იქნა 122 მოხსენება. მათში საუბარი იყო შემთხვევებზე, როდესაც მკურნალობამ პაციენტს მიაყენა ზიანი და არ დაეხმარა განკურნებაში.

1. დიაგნოსტირების ყველაზე საკამათო მეთოდი აღმოჩნდა ტრანსეზოფაგეალური ეხოკარდიოგრაფია.

ამ პროცედურის დროს ადამიანის გულ-სისხლძარღვთა სისიტემა იკვლევა საყლაპავ მილში სენსორის მოთავსებით. მეცნიერთა აზრით, დამატებითი ინფორმაცია, რომლის მიღებაც ამ მეთოდითაა შესაძლებელი, არ ამართლებს იმ რისკებს, რომლებიც გაუტკივარებასთანაა დაკავშირებული.

2. შემდეგი მოდის ფილტვების კომპიუტერული ტომოგრაფია ანგიოგრაფია.

ის საშუალებას იძლევა სხეულში სპეციალური კომპიუტერის დახმარებით გაირკვეს სისხლდენის მდგომარეობა. როგორც მკვლევარები აღნიშნავენ, ამ პროცედურის დროს ადამიანი რადიაციის გარკვეულ დოზას ღებულობს.

3. მესამე ამ სიაში არის კომპიუტერული ტომოგრაფია.

ის უტარდებათ პაციენტებს მსუბუქი რესპირატორული დარღვევების დროს. ასეთ შემთხვევებში კომპიუტერული ტომოგრაფია მკურნალობაში პრაქტიკულად სარგებლობის მომტანი არ არის: მაგალითად, სურათმა პაციენტის რომელიმე არ არსებული პათოლოგია შეიძლება გვაჩენოს.

რეიტინგში შევიდა ასევე კაროტიდული არტერიის ულტრა ბგერითი კვლევა, სტენტირება, პროსტატის კიბოს აგრესიული მეთოდით მკურნალობა და ანტიბიოტიკების გამოყენებაც კი. ისინი ხშირად სასარგებლო სულაც არ არის: კვლევების თანახმად, 2010 წლიდან 2011 წლამდე ყოველ ათას ადამიანზე 506 რეცეპტი გამოიწერა და მხოლოდ 353 პაციენტის შემთხვევაში დაეხმარა ეს რეცეპტი მას გამოჯანმრთელებაში.