"ერთხელ, 1982 წელი იყო თუ 1983, მახსოვს ავლიპ ზურაბაშვილი გამოიყვანეს ტელევიზიით წინასაახალწლოდ საბჭოთა საქართველოში:

საბჭოთა ხელისუფლებამ დიდი პროგრესი მაიტანაო. აი, რევოლუციამდე მხოლოდ
ერთი საგიჟეთი იყო საქართველოში და ახლა - 17 საგიჟეთი გვაქვსო
არც მანამდე და არც მას მერე ავლიპი მე ასე საახალწლოდ გამოსული არ მინახავს"-წერს სოციალურ ქსელში ცოტნე გამსახურდია.

ექს-პრეზიდენტის ვაჟს ეს ამბავი გიორგი კვირიკაშვილის NATO-ს ანსამბლეაზე გამოსვლამ გაახსენა, სადაც პრემიერი აღნიშნავს, რომ 2012 წლამდე საქართველოში მთავრობის მიერ კონტროლირებადი 3 არხი გვქონდა ახლა კი 13 თავისუფალი არხი გვაქვსო.

"2012 წლამდე მთელი ქვეყნის მასშტაბით მხოლოდ სამი სატელევიზიო არხი
მაუწყებლობდა, და მათაც მკაცრად აკონტროლებდა მმართველი პარტია. დღეს
მაუწყებლობს 13 ასეთი არხი. ყველა მათგანი თავისუფალია და კრიტიკულად
განწყობილი მთავრობის მიმართ. მსოფლიო პრესის თავისუფლების ინდექსში
საქართველომ გაიუმჯობესა პოზიციები და 2012 წელს არსებული 104-ე ადგილიდან
2016 წელს 64-ე ადგილზე გადაინაცვლა", -განაცხადა პრემეირმა.