30 წლის ქართველი ფეხბურთელი გიორგი მერებაშვილი ევროპის სპორტული გამოცემების ყურადღების ქვეშ მოექცა.

პოლონეთის ჩემპიონატის მე-13 ტურში პლოცკის "ვისლა"(რომლის შემადგენლობაშიც გამოდის მერებაშვილი)ლენჩნის "გურნიკთან" საკუთარ მინდორზე 1:2 დამარცხდა.

კურიოზული გამოდგა ქართველი ფეხბურთელისთვის ეს მატჩი.გიორგი მერებაშვილმა მეტოქის საჯარიმოზე ჯერ მცველი მოატყუა, შემდეგ მეკარე და ბოლოს დაახლოებით 4 მეტრიდან ცარიელ კარში ბურთი ააცილა.

Eurosport-ის შეფასებით, მერებაშვილის ეპიზოდი შესაძლოა წლის საუკეთესო ვერ გამოყენებული გოლი იყოს.

"ვისლას" უიღბლობა ამით არ დამთავრებულა.პირველი გოლი მხოლოდ 85-ე წუთზე გაუშვეს, წონასწორობა ორ წუთში აღადგინეს, თუმცა მსაჯის დამატებულ წუთში შიმონ დრევნიაკმა "გურნიკს" გამარჯვების გოლი მოუტანა.