ჯუნა დავითაშვილი ცოცხლებს შველოდა, საუბრობდა იმქვეყნიურ ძალებთან. მთელ თავის ძალას სხვებს ახმარდა, მაგრამ საკუთარ თავს ვერ შველოდა. უკვე ერთი წელია რაც მკურნალი ჯუნა ცოცხალი აღარაა. და ის სიბერეს არ მოუკლავს.
თითქოს მან თვითონ იწინასწარმეტყველა თავისი მკვლელობა. ის ჩაიფერფლა მოულოდნელად და საეჭვოდ სწრაფად, თითქმის წამში, რამდენიმე დღეში. მისი ცხოვრება დაგლიჯეს ციტატებად და წინასწარმეტყველებებად, ხოლო მილიონი დოლარის მემკვიდრეობა უკვალოდ გაქრა.
გაკვეთა ამას არ აჩვენებს- ჯუნაზე ნამდვილი ნადირობა იყო გამოცხადებული. ის, რომ ჯუნა დავითაშვილი გარდაიცვალა - მხოლოდ სამედიცინო ფაქტია. მისი იდუმალებით მოცული სიკვდილის საიდუმლოებები ერთმანეთის მიყოლებით ცოცხლდება.
სიკვდილის ოფიციალური მიზეზი - ინსულტია. მაგრამ არაოფიციალურად, მისი ახლობლები მკვლელობაზე საუბრობენ. ისინი დარწმუნებული არიან, რომ ჯუნას დასამარების სერიოზული საფუძველი ბევრს ჰქონდა. ნათელმხილველის ახლო გარემოცვა მაშინვე დაიყო ეჭვმიტანილებად და დანაშაულის მოწმეებად.
ჯუნას გარდაცვალებიდან რამდენიმე დღეში ჩემმა თანაქალაქელმა ზაზა გაბედავამ, რომელიც წლებია რუსეთში ცხოვრობს და ჯუნა უახლოეს მეგობრად თვლიდა განაცხადა: ჯუნა მოკლულიაო.