ჭორები იმის შესახებ, რომ ბრედ პიტმა და ფრანგმა მსახიობმა მარიონ კოტიარმა რომანი გააჩაღეს პირველად ამ ზაფხულს გავრცელდა.

პიტმა და კოტიარმა ჯაშუშურ ტრილერში "მოკავშირეები"ერთად ითამაშეს საყვარლების როლი.რობერტ ზამეკისის ახალი ფილმის პრემიერა 2017 წელს შედგება.

ზუსტად ამ ქალს ასახელებენ დასავლური ტაბლოიდები ცნობილი ჰოლივუდური წყვილის დაშორების მთავარ დამნაშავედ მას შემდეგ, რაც ოფიციალურად დადასტურდა ინფორმაცია, რომ ანჯელინა ჯოლიმ საბუთები შეიტანა გაყრაზე.

ფოტოზე:კადრი ფილმიდან "მოკავშირეები"

როგორც ცნობილი გახდა მარიონი ძალზე წუხს, რომ მას აბრალებენ ჯოლის და პიტის გაყრას."მე არ ვარ დამნაშავე"-აცხადებს ის...მით უმეტეს, რომ ასეთი ჭორები მსახიობის გარშემო ნამდვილად არახელსაყრელია, მას ხომ მეუღლე ჰყავს, მსახიობი გიომ კანე და 5 წლის ბიჭუნა მარსელი.

თუმცა ზაფხულის დასაწყისში ჟურნალი People-ე წერდა, რომ პიტი და კოტიარი ძალზე დაახლოვდნენ გადაღებების დროს, ისინი ბევრ დროს ატარებდნენ ერთად გადასაღები მოედნის გარეთ.

განსაკუთრებით ეჭვიანობდა თვით ანჯელინა ჯოლი.როგორც გადამღები ჯგუფის წევრებმა Daily Mail-ს განუცხადეს, მას საერთოდ ხმა არ გაუცია ფრანგი მსახიობისთვის.

მარიონი მიუახლოვდა მას, ხელის ჩამორთმევაც უნდოდა, მაგრამ ანჯელინამ იგნორირება გაუკეთა.

–მარიონი მორალურად განადგურებული იყო.არა და როგორ უნდოდა ჯოლისთან საუბარი, იგი ხომ გაეროს კეთილი ნების ელჩია.-აღნიშნა გადამღები ჯგუფის ერთ-ერთმა წევრმა.

ამასთანავე იგივე წყარომ აღნიშნა, რომ ჯოლი ტყუილად ეჭვიანობდა კოტიარზე, მის ქმარსა და ფრანგ მსახიობს შორის არაფერი ყოფილა.

მარიონ კოტიარმა პირველ დიდ წარმატებს 2006 წელს მიაღწია ფილმით "კარგი წელი", სადაც მისი პარტნიორი რასელ კროუ იყო.ხოლო 2007 წელს ფილმისთვის "ცხოვრება ვარდისფერ ფერებში", სადაც ედიტ პიაფის როლი შეასრულა "ოსკარიც" დაიმსახურა.