პროფესიით იურისტი, ყოფილი "ერთიანი ნაციონალური მოძრაობა-დემოკრატების" თავმჯდომარის მოადგილე, ამჟამად სააკაშვილის საპრეზიდენტო ბიბლიოთეკას ხელმძღვანელი საინტერესო პოსტს აქვეყნებს სოციალურ ქსელში მაროკოელი ტაქსისტის შესახებ და ხაზგასმით აღნიშნავს მის მაღალ პროფესინალიზმს, კულტურას და განათლებას:

"შემიყვარდა მოროკოელი ტაქსის მძღოლი. ახალგაზრდა, სიმპატიური, ზრდილობიანი
და საქმიანი, 4 უცხო ენაზე მოსაუბრე. იცოდა ინგლისური, გერმანული, დანიური
და მშობლიური ფრანგული (არაბული თავისთავად). ამიტომ, როგორც წესი,
კლიენტებთან კომუნიკაციის პრობლემა არ მაქვსო გვითხრა. ჩვენს, ტურისტულ,
ყველა შეკითხვაზე გამაოგნელად ამომწურავად გვიპასუხა. მოგვცა რჩევები, თუ
როგორ გამოვიყენოთ ოპტიმალურად ის მოკლე დრო, რომელიც კოპენჰაგენში უნდა
დავყოთ. მერე გვითხრა, რომ არ უყვარს პუტინი, იცის, რომ საქართველო
ოკუპირებულია, რომ ლამაზია თბილისი და ბათუმი და რომ საქართველოს მთავრობა
საკმარისად ეფექტურად არ ეწევა საქართველოს, როგორც ტურისტული დესტინაციის,
პოპულარიზაციას, "კომერციალიზაციას". ბოლოს გვირჩია, რომ ტაქსის საფასური
გადავიხადოთ საკრედიტო ბარათით, რათა მას არ მოუწიოს დაგვარიცხოს
დამატებითი 2 ევრო, არაეროვნულ ვალუტაში ანგარისწორების გამო...
შთაბეჭდილებების ქვეშ ვარ და არ ვიცი ზუსტად რას მივაწერო ეს შემთხვევა,
მაგრამ მჯერა, რომ ყველაფრის გასაღები განათლებაშია. პროფესიონალიზმიც,
ღირსების აღქმაც, შრომისუნარიანობაც, სამოქალაქო პასუხისმგებლობაც და
საკუთარი თავის პატივისცემაც სწორედ აქედან მოდის. მინდა ჩვენ, ჩვენი
სკოლები, ჩვენი სახელმწიფო უახლოვესი წლები ინტენსიურად ჩვენი შვილების
სწორი აღზრდით და მათი განათლებით დავკავდეთ."