სვეტიცხოველის ტაძრის დეკანოზი მამა პეტრე (კვარაცხელია) სოციალურ ქსელში კიდევ ერთ ამაღელვებელ სტატუსს აქვეყნებს. "თავდაჯერებული ფარისევლები ვართ. წიგნით ხელში უსასრულოდ ვლოცულობთ, ეკლესიაშიც დავდივართ და წირვა-ლოცვასაც ქრონიკულად ვესწრებით. ზიარების რიგიც არ გვღლის... მართლა ყველაფერს ვაკეთებთ, რომ პატივმოყვარეობა დავიკმაყოფილოთ...
ოღონდ განსაცდელები უფრო მეტია... რატომ?! ღმერთი არ არსებობს თუ არსებობს და მოწყალე არ არის?! არა... ეს ჩვენ არ ვაძლებთ უფალს საშუალებას, ჩვენზე იმოქმედოს და ჩვენი ვედრება შეისმინოს... მართალია ბაგეებით ვადიდებთ, მაგრამ გულში მყარად გამჯდარ ცოდვას ვერ ველევით და უფალთან საუბრის დროსაც ცოდვით ტკბობაზე მეტს ვფიქრობთ, ვიდრე ღმერთზე... აღსარებაში სხვის ცოდვებს “ვინანიებთ" და საკუთარს საგანგებოდ ვაკონსერვებთ... ღმერთო, მოგვეცი ავაზაკის აღიარება..." წერს მამა პეტრე