ვიცე-სპიკერ მანანა კობახიძესა და ჟურნალისტ ელისო კილაძეს შორის გადაცემა "არჩევანის" ეთერში სიტყვიერი დაპირისპირება მოხდა ე.წ. კოკაინის საქმესთან დაკავშირებით საუბრისას. ჟურნალისტი ელისო კილაძის ინფორმაციით, კობახიძე-ბესელიას დუეტმა თავის დროზე კოკაინის საქმეზე მსჯავრდებულები პოლიტპატიმართა სიაში ჩასვეს, თუმცა მაშინდელი მინისტრის მოადგილის გელა ხვედელიძის და მინისტრის ირაკლი ღარიბაშვილის უშუალო ჩარევით ყველა მათგანი ამოღებულ იქნა ამ სიიდან. კობახიძემ კილაძე სიცრუის გავრცელებაში დაადანაშაულა და არაეთიკურად მოიხსენია, კერძოდ ბინძური, ამორალური და ყოვლად უწესო ქალი უწოდა, რასაც ამ უკანასკნელის მხრიდან მწვავე რეაქცია მოჰყვა. დღეს კი ელისო კილაძემ საკუთარ სოციალურ ქსელში საკმაოდ მწვავე განცხადება გააკეთა, რომელსაც უცვლელად გთავაზობთ: “ახლა მე რომ გავგიჟდე და მანანა(არჩილ) კობახიძის გათხოვების ამბავი მოვყვე, სხვის ამორალობაზე ლაპარაკის სურვილი კიდევ ექნება?!
p.s.დაქალისთვის ქმარი არ წამირთმევია, სასტუმროში გადაღებული ფირებით ვერ მაშინებენ, ბიძინას ოთახში ცრემლები არ მიღვრია, მაგიდაზე მუშტები არ ურტყიათ, დროზე გათხოვდი, თავს ნუ გვჭრიო და მერე ობიექტის დაშინებაც არ ყოფილა, დროზე ითხოვეო''. ამ განცხადებას დიდი გამოხმაურება მოჰყვა სოც. ქსელში, თუმცა მანანა კობახიძეს ჯერ განცხადება არ გაუკეთებია.