1978 წლის 27 თებერვალს დაბადებულ კახი კალაძეს დღეს ყველა ფეხბურთელად იცნობს, 11 წლიდან მან სამტრედიის ლოკომოტივის ახალგაზრდულ გუნდში დაიწყო თამაში და მას შემდეგ, 2012 წლამდე ერთ-ერთ ყველაზე ძვირადღირებულ ქართველ ფეხბურთელად გვევლინებოდა. 16 წლის ასაკში მიიღო მონაწილეობა 82 საჩემპიონატო მატჩში და ერთი გოლიც გაიტანა. 2001 წელს მილანმა მის ტრანსფერში 16 მილიონი ევრო გადაიხადა და 9 წლის მანძილზე იყო საფეხბურთო კლუბ „მილანის“ წევრი. დაოჯახებულია უმშვენიერეს და ულამაზეს, წარმატებულ ქართველ დიზაინერ ანუკი არეშიძეზე, წყვილს სამი ვაჟი ჰყავს.

სწორედ 2012 წელს, საქართველოს მთავრობის შეცვლას მოჰყვა კალაძის პროფესიის ცვლილებაც და დღეს ის კოალიცია "ქართული ოცნების" წევრი და საქართველოს ენრგეტიკის მინისტრია. იტალიელი ჟურნალისტების თქმით „მილანის“ დაცვის ბურჯი და ქართული ფეხბურთის ისტორიული ფიგურა დღეს აქტიურადაა ჩართული ქვეყნის პოლიტიკურ საკითხებში. საათებს ითვლის ის უახლესი ამბავი, რომელიც მის მიერ მიცემული ინტერვიუს საშუალებით გავრცელდა, რომ რამოდენიმე დღეში სპეციალურ ბრიფინგს გამართავს და საზოგადოებას ელექტროენერგიის ტარიფის შემცირებას ამცნობს.

”ენერგეტიკის მინისტრად ჩემი დანიშვნის პირველივე დღიდან, აქტიურად ჩავერთე ტარიფების შემცირებასთან დაკავშირებულ სამუშაოში, რადგან ეს არის თემა, რომელიც ამ ქვეყნის მოსახლეობას აწუხებს. ფაქტობრივად, პროცესი უკვე დასრულებულია, დეტალებს ჯერ არ დავაკონკრეტებ, მაგრამ მხოლოდ იმას გეტყვით, რომ რამდენიმე დღეში, ბრიფინგს ჩავატარებთ და ჩვენი ქვეყნის მოსახლეობა გაიგებს, რამდენით შემცირდება ელექტროენერგიის ტარიფი. უკვე დავასრულეთ მოლაპარაკება "ინტერ რაოსთან", მაგრამ ახლა დეტალებს ვაზუსტებთ. კონკრეტულ ციფრებზე, თუ რამდენი თეთრით შემცირდება დენის ტარიფი, ახლა არ ვისაუბრებ, მაგრამ დეტალურ ინფორმაციას მხოლოდ მას შემდეგ მოგაწვდით, როდესაც მემორანდუმსა და კონტრაქტებს ხელს მოვაწერთ. ეს ჩვენი ქვეყნის მოსახლეობისა და ჩვენს ინტერესებში შედის, ამიტომ დენის შემდეგ გაზი და საწვავი აუცილებლად გაიაფდება” - აცხადებს ენერგეტიკის მინისტრი კახი კალაძე.