გიტარისტი ტარიელ სუარი სოციალურ ქსელში ახალი ინიციატივით გამოდის, რომ ქვეყანაში სიყვარულის სამინისტრო შეიქმნას.

"რა უფლება მაქვს ხელისუფლებას ვურჩიო რამე, მაგრამ გერმანიაში 10 წლიანი ცხოვრების შემდეგ შეგრძნება მაქვს, რომ მოსახლეობას არსად არ სძულს ისე ერთმანეთი, როგორც საქართველოში.

ამიტომაც ვფიქრობ, ჩვენს ქვეყანაში სასწრაფოდ უნდა ჩამოყალიბდეს კიდევ ერთი სამინისტრო, სიყვარულის სამინისტრო, სადაც მინისტრი პატრიარქის რეკომენდაციით დაინიშნება..."- წერს სუარი.

ფეისბუქმომხმარებლებმა მინისტრობის კანდიდატების შერჩევაც დაიწყეს. ერთ-ერთმა მათგანმა შესძლო კანდიდატად სუარის მეუღლე, ია ფარულავაც დაასახელა, მაგრამ ინიციატივის ავტორის პასუხი შემდეგი იყო:

"არა, გმადლობთ, ფარულავა ჯობია ისევ ჩემი პირადი სიყვარულის მინისტრად დარჩეს."