საქართველო ფოთის სანაპიროს პლაჯის საწმენდი მანქანა გაწმინდავს 2015, 10 ივლისი, 14:03 საქართველოს რეგიონული განვითარებისა და ინფრასტრუქტურის სამინისტროს შპს „საქართველოს მყარი ნარჩენების მართვის კომპანიამ“, ფოთის მუნიციპალიტეტს 2 ნაგავმზიდი ავტომანქანა და 450 ნარჩენების შესაგროვებელი ლითონისა და პლასტმასის ურნები გადასცა.
ტექნიკა, დასუფთავების სამუშაოების ეფექტურად განხორციელების მიზნით, ფოთის მუნიციპალიტეტს მოემსახურება. აღნიშნული მანქანები შეძენილი იქნა საქართველოს რეგიონული განვითარებისა და ინფრასტრუქტურის სამინისტროს მიერ მთავრობის განკარგულების საფუძველზე. გადაცემის პროცესს შპს „საქართველოს მყარი ნარჩენების მართვის კომპანიის“ დირექტორი, გიორგი შუხოშვილი, ქალაქ ფოთის მერი ირაკლი კაკულია, შპს "ინფრასტრუქტურა 2008" -ის დირექტორი გია სილოგავა და საკრებულოს წევრები დაესწრნენ. საქართველოს რეგიონული განვითარებისა და ინფრასტრუქტურის სამინისტრო უახლოეს ხანებში, ქალაქ ფოთს პლაჟის საწმენდ „ბიჩტეკი-300“-ის მარკის სპეცმანქანას გადასცემს. 104 1-ს არ მოსწონს
|