ევროპული ფეხბურთის მმართველმა ორგანიზაცია უეფამ, პოლონური კლუბი "ლეგია", ევროპის ლიგის პლეი-ოფის მატჩის დრო სტადიონზე გამოფენილი შეურაცმყოფელი ბანერის გამო 80 000 ევროთი დააჯარიმა.
პოლონელმა გულშემატკივრებმა, “აქტობესთან” ევროპის ლიგის პლეი-ოფის მატჩის დრო, ტრიბუნაზე დიდი ბანერი გადმოშალეს, სადაც უეფა ღორს შეადარეს და მინაწერიც გაუკეთეს: "ფეხბურთს მნიშვნელობა არ აქვს, ფულს - აქვს".
მოგეხსენებათ, უეფამ "ლეგიას" ჩემპიონთა ლიგის მე-3 საკვალიფიკაციო ეტაპზე გლაზგოს "სელტიკთან" ორივე მატჩის მოგების (4:1, 2:0) მიუხედავად, ტექნიკური წაგება ჩაუთვალა, რადგან დისკვალიფიცირებული მცველი, ბარტოშ ბერეშინსკი ათამაშეს.
უეფამ პოლონელები დააქვეითა და ევროპის ლიგაზე თამაშის უფლება მისცა. შესაბამისად, გულშემატკივრებმა პროტესტს მიმართეს და კლუბი ამის გამო დაისაჯა.
გიორგი ბალახაძე
www.worldsport.ge