კერძები ხორცისაგან კიტრი ხორცით (კორეული სამზარეულო) 2014, 1 მაისი, 14:11 ინგრედიენტები:
● კიტრი (მოზრდილი) - 2 ცალი
● ძროხის ხორცი - 400 გ.
● ბულგარული წიწაკა - 1 ცალი
● ხახვი - 1 ცალი ● ნიორი - 2 კბილი ● ცხარე წიწაკა -1 ჩაის კოვზი ● მარილი - 1 ჩაის კოვზი ● შაქარი - 1/2 ჩაის კოვზი ● ქინძი (დაფქვილი) - 1 ჩაის კოვზი ● ძმარი (5%-იანი) - 2 სუფრის კოვზი ● სოიოს სოუსი - 3-4 სუფრის კოვზი ● მცენარეული ზეთი - 3-4 სუფრის კოვზი მომზადება: კიტრი გაუფცქვნელად დავჭრათ წვრილ ზოლებად (მაინცდამაინც გრძელი ნაჭრები ნუ იქნება). დაჭრილი კიტრი მოვათავსოთ თასში, მოვაყაროთ მარილი და გავაჩეროთ 15-20 წუთი, რათა წვენი კარგად გამოუვიდეს. როდესაც კიტრი გამოშრობას დაიწყებს და ზედმეტი წყალი გამოუვა, მოვაყაროთ მას ცხარე წიწაკა, ქინძი, დაჭყლეტილი ნიორი და შაქარი. ხახვი დავჭრათ ნახევარწრეებად. ამასობაში მოვამზადოთ ხორცი მოსაშუშად: დავჭრათ წვრილ და გრძელ ნაჭრებად (გაითვალისწინეთ, რომ ზომა მოიკლებს და მაინცდამაინც თხელი ნაჭრები არ გამოგივიდეთ). დაბალ ცეცხლზე მოვშუშოთ ხორცი. როდესაც ხორცი ფერს შეიცვლის (გახდება ოქროსფერი) დავუმატოთ ხახვი და ვშუშოთ დაახლოებით 1 წუთი. ამის შემდეგ დავუმატოთ სოიოს სოუსი და რამდენიმე წუთით კიდევ გავაჩეროთ. მოშუშული ხორცი, თავის წვენთან ერთად, მოვაყაროთ კიტრს. მოვაყაროთ ზემოდან ზოლებად დაჭრილი ბულგარული წიწაკა, მოვასხათ ძმარი, კარგად ამოვურიოთ და გავაჩეროთ 5 წუთის განმავლობაში. კერძი შეგიძლიათ მიირთვათ მომზადებისთანავე, მაგრამ უმჯობესია თუ გააცივებთ და... გემრიელად მიირთვით 215 8-ს მოსწონს
|