ყველასათვის ნაცნობი და საყვარელი მოდელი და ტელეწამყვანი ნუკი კოშკელიშვილი შეყვარებულია. მისი რჩეული ბენჯი ჩეიმი ამერიკელია, შოუბიზნესის წარმომადგენელი არ გახლავთ, პროფესიით ექიმია და ამავე სფეროშია დასაქმებული. წყვილმა ერთმანეთი სოციალური ქსელის მეშვეობით გაიცნო, მიმოწერა 2 წლის მანძილზე გრძელდებოდა. ნუკიმ ბენჯის ამერიკაში ჩააკითხა და ურთიერთობაც შედგა. ნუკი ყურებამდე შეყვარებულია და თავს შესანიშნავად გრძნობს. მისი მტკიცებით ბენჯი არანორმალურად სიმპათიურია, ასეთები თბილისში არ დადიანო.

"რეალურად ძალიან შეყვარებული ვარ. ეს ადამიანი ცნობილი არ არის. ჩვეულებრივი სფეროდანაა – ჰოსპიტალში მუშაობს, ექიმია. მაგრამ, ჯერჯერობით მის შესახებ არაფერს ვამბობ. ულამაზესი ბიჭია. ულამაზესი და, თან, ძალიან კარგი ხასიათის, უპროლემო. ძალიან ეცინება, როდესაც ჩემზე მსგავს რაღაცეებს წერენ. დიდად არც ადევნებს თვალყურს, მაგრამ, როდესაც იგებს, ამაზე მხოლოდ იცინის"-გვიამბობდა ნუკი.

"ნანუკა ჟორჟოლიანის შოუმ" ნუკის ამერიკაში გასამგზავრებელი ბილეთები აჩუქა, რომ შეყვარებული კიდევ ერთხელ ენახა. მან ბენჯის ჩააკითხა და სულ რამდენიმე დღის წინ საქართველოში დაბრუნდა. ნუკიმ შეყვარებულთან განშორების ამსახველი ფოტოც გამოაქვეყნა. ბენჯის ჰობი ხატვაა. მან ნუკის გარდა უკვე სასიმამროც დახატა. "ბენჯიმ დახატა მამაჩემი, გაგიჟებული ვარ"-წერს ნუკი და ფოტოსაც აქვეყნებს.