Victoria's Secret–ის „ანგელოზი“ ორსულადაა. ალესანდრა ამბროსიოსა და ლილი ელდრიჯის შემდეგ, ადრიანა ლიმაც ელოდება პატარას.

30 წლის მოდელმა დაადასტურა, რომ ის და მისი მეუღლე, სერბი კალათბურთელი მარკო იარჩი მეორე ბავშვს ელოდებიან. წყვილს უკვე ჰყავს ორი წლის ქალიშვილი – ვალენტინა.

„მთელი ოჯახი აღფრთოვანებულია, განსაკუთრებით კი ვალენტინა, ჩემს მუცელს კოცნებს უგზავნის!“ – ამბობს ბრაზილიელი მოდელი.

ადრიანამ და მარკომ ერთმანეთი 2006 წელს გაიცნეს, 2009 წლის თებერვალში კი დაქორწინდნენ.

„იყო დედა – ეს ჩემთვის საუკეთესო სამსახურია. ჩემი ოჯახი ამ სიახლემ ძალიან გაახარა!“ – წერს Facebook–ზე ადრიანა.