იმერეთი "არ აშენდეს ხუდონჰესი!"-ხაიშელების აქცია ქუთაისში, საქართველოს პარლამენტთან. 2014, 18 თებერვალი, 17:55 ქუთაისში, საქართველოს პარლამენტთან ხაიშელებმა აქცია გამართეს. აქციის მონაწილეები ხუდონჰესის მშენებლობას აპროტესტებენ. როგორც ერთ-ერთი აქციის მონაწილე აცხადებს, ხუდონჰესის მშენებლობა სვანეთში ასობით ადამიანს დააზარალებს. "ჩვენი დღევანდელი აქცია არის მიზანმიმართული და პერმანენტულ ხასიათს მიიღებს. თუ ხელისუფლება გააგრძელებს მშენებლობას, იძულებული ვიქნებით, ავაფეთქოთ მშენებლობა და ტყვიასაც ვესვრით მუშებს. თითოეულმა სვანმა ფიცი დავდეთ და ჩვენ ფიცს არასოდეს გავტეხთ. მინდა, მოვუწოდო პარლამენტს, დროულად მოახდინოს აღნიშნულ ფაქტზე რეაგირება, –განაცხადა აქციის მონაწილემ. 12 შეფასება არ არის
|