ტელეკომპანია იმედზე, გადაცემა "რეაქციას" წამყვანი ინგა გრიგოლია "საქართველოს ჟურნალისტთა ქარტიას" სოციალური ქსელის საშუალებით პასუხობს.

"ქარტიისა და ქარტიისებრთა გუშინდელი ისტერიკების შემდეგ, ხომ დავუთმე მიკროფონი მამისა და მისი პირადი თხოვნით უსაყვარლეს პატარა იოსებს, რომლის სიცოცხლე სასწრაფოდ გადასარჩენია და ხომ მლანძღეს ციციკორე მორალისტებმა. ჰოდა, წინასწარ ვაცხადებ, რომ ხვალაც იგივეს გავაკეთებ, ზეგაც, მაზეგაც, ერთი წლის შემდეგაც, ათი წლის შემდეგაც. ვისაც ეს ეთიკის დარღვევად მიგაჩნიათ, იკითხეთ მორალი და იყავით! ტექსტი წინასწარ დაწერეთ და დააკოპირეთ, თორემ იმდენჯერ ვიზამ მსგავს, რომ წერით დაიღლებით, "–წერს გრიგოლია "ფეისბუკის" საკუთარ გვერდზე.

ცნობისთვის: რამდენიმე დღის წინ ინგა გრიგოლიმ გადაცემის მსვლელობისას ახალგაზრდა იოსებ კიჟინაძეს დაუთმო ეთერი, რომელიც მწვავე ლეიკემიითაა დაავადებული და სასწრაფოდ სჭირდება დახმარება. აღნიშნულის გამო გრიგოლია არაერთმა "ქარტიის" ხელმომწერმა გააგრიტიკა.