იმერეთი ქუთაისის მერიის საზოგადოებასთან ურთიერთობის ხელმძღვანელმა თანამდებობა დატოვა 2014, 4 თებერვალი, 22:55 ქუთაისის მერიის საზოგადოებასთან ურთიერთობის სამსახურის ხელმძღვანელმა ქეთი დეისაძემ თანამდებობა დატოვა. როგორც დეისაძე ამბობს, თანამდებობა მან პირადი განცხადების საფუძველზე დატოვა და მის მიმართ ადგილობრივი ხელისუფლების მხრიდან ზეწოლა არ ყოფილა. "მუდმივი არაფერია და არც ეს თანამდებობა იყო ჩემთვის მუდმივი. მოხდა ისე, რომ მივიღე გადაწყვეტილება, წამოვსულიყავი ამ სამსახურიდან, თუმცა ახლა იქ დავსაქმდი, სადაც თავს ისევ კომფორტულად ვიგრძნობ, როგორც მერიაში ვიყავი წლების განმავლობაში, "-განაცხადა დეისაძემ. ცნობისთვის, ქეთი დეისაძე აღნიშნულ თანამდებობას 2007 წლიდან იკავებს. 284 2-ს მოსწონს
|