ქუთაისში ხანძარი გაჩნდა.

ავტოქარხნის დასახლებაში, ავტობუსების ფარეხს ცეცხლი გაუჩნდა.

ამ წუთებში ადგილზე მობილიზებული სახანძრო მანქანები ცეცხლის ჩაქრობას ცდილობენ.

როგორც სახანძრო სამსახურში აცხადებენ, ჯერ-ჯერობით მსხვერპლის და ზარალის შესახებ ინფორმაცია უცნობია.

"ამ ეტაპზე ზარალის შესახებ ინფორმაციას არ ვფლობთ, გაგზავნილი გვყავს რამდენიმე ეკიპაჟი და ძლიერი ქარის შედეგად შესაძლებელია, ცეცხლის ჩაქრობა გართულდეს. არ არის გამორიცხული, რომ მეზობელი რაიონებიდან მანქანების გამოძახება დაგვჭირდეს, "-განაცხადეს სახანძრო სამსახურში.