ჩვენს ჭირნახულ, მრავლისმნახველ საქართველოს, დასაბამიდან დღემდე ყველა ტერიტორიებს ეცილება. უკვე თვეებია რუსულ ინტერნეტსივრცეში გამოჩნდა ახალი რუკები სათაურით - Новая Карта Грузии.

მინდა, მშვიდად გაცნობოთ, რომ ინფორმაცია არ შეესაბამება სიმართლეს. საქართველოს ტერიტორიები რუკის მიხედვით კვლავ საქართველოს შემადგენლობაში შედის.

გთავაზობთ, რამდენიმე წუთის წინ რუსეთის გეოგრაფიის ინსტიტუტის (Тихоокеанский институт географии Дальневосточного Отделения Российской Академии Наук) ოფიციალურ ვებ გვერდზე გადაღებულ ფოტოს, სადაც ნათლად ჩანს, რომ რუს გეოგრაფებს არანაირი ცვლილება არ შეუტანიათ საქართველოს რუკაში.

იმედი ვიქონიოთ, რომ მსგავს გაუგებრობას აღარ ექნება ადგილი. ვიღაციშთვის შეიძლება სულერთია ინტერნეტსივრცეში რა სახის რუკა გამოქვეყნდება, მაგრამ ამას დიდი მნიშვნელობა აქვს პირადად ჩემთვის და ვფიქრობ, ყველა ქართველისთვის, ვისაც გული შესტკივა საქართველოს ერთიანობაზე.

როგორც მოცემულ სახალისო რუკაზეა გაფორმებული, ასეთი მრავალფეროვანი და სტუმართმოყვარეა ჩვენი ტურფა საქართველო.

ღმერთმა ქნას და კვლავ გვეხილოს გაბრწყინებული საქართველო ნიკოფსიიდან დარუბანდამდე.