ყველასათვის საყვარელ და ცნობილ ტელეწამყვანს თიკო სადუნიშვილს ხშირად უწევს ჭორების ქარ-ცეცხლში ტრიალი, ეს ხომ მეტნაკლებად ცნობილი ადამიანების ხვედრია. გავრცელებული ინფორმაციის თანახმად თიკოს დედობის უფლება ჩამოართვეს, (ტელეწამყვანს უიღბლო ქორწინებიდან ერთი ვაჟი ჰყავს) რასაც თავად უარყოფს. მისი მტკიცებით ეს ყველაფერი უბრალოდ ცუდადმოფიქრებული ჭორია და ამის შესახებ ღია წერილიც კი დაწერა. მიუხედავად ტელეწამყვანის მტკიცებისა აღმოჩნდა, რომ შვილი დედასთან არ ცხოვრობს. "ჩემი შვილი დედაჩემთან ცხოვრობს, კვირაში ორი დღე მამამისთან, ჩემთანაც არის, განაწილებული გვყავს, იმიტომ, რომ მე ვერ ვახერხებ ყოველდღიურად ისეთი დედობა გავუწიო, როგორიც საჭიროა. სანამ ძიძა მყავდა კიდევ ვახერხებდით ერთად ცხოვრებას"-გვიამბო თიკომ.

საინტერესოა "განაწილებული" ბავშვი როგორ გრძნობს თავს, ვისაც გამოგიცდიათ, ალბათ დამეთანხმებით, რომ ერთდროულად რამდენიმე სახლში ცხოვრება ძნელია.

თიკო სადუნიშვილი კი არაერთი ჭორისა და დაპირისპირების მთავარი გმირია. სულ ცოტა ხნის წინ გავრცელებული ხმების თანახმად მას ხელჩართული ბრძოლა ჰქონდა გაჩაღებული შორენა ბეგაშვილთან. ლამაზმანებმა სასურველი მამაკაცი ვერ გაიყვეს, რასაც სოციალურ ქსელებში კიდევ არაერთი სიტყვიერი დაპირისპირება მოჰყვა. შორენასა და თიკოს შორის შავმა კატამ ჯერ კიდევ რამდენიმე წლის წინ გაირბინა, მაშინ როდესაც თიკო გადაცემა "თბილისი ლაივის" ტელეწამყვანი გახლდათ. თიკოსაგან განსხვავებით კი შორენა ხშირად იწონებს თავს სამაგალითო დედობით.