მადრიდის “ატლეტიკოს” ხელმძღვანელობა და სამწვრთნელო შტაბი “სევილიას” თავდამსხმელ ალვარო ნეგრედოთი დაინტერესდა. ესპანური პრესა იუწყება, რომ მადრიდულ კლუბს სევილიელთათვის ოფიციალური წინადადებით ჯერ არ მიუმართავს, თუმცა ერთ-ერთი წყაროს ინფორმაციით, “ატლეტიკო” მზადაა, სასურველი ფორვარდის ხელში ჩასაგდებად 18 მილიონი ევრო გადაიხადოს.
ალვარო ნეგრედოს შესაძლო ტრანსფერზე ახლახან “სევილიას” პრეზიდენტმა ხოსე მარია დელ ნიდომაც გააკეთა კომენტარი. მან განაცხადა, რომ ფეხბურთელს იმ შემთხვევაში გაუშვებს, თუკი მისი მსურველი კლუბი 25 მილიონ ევროს გადაიხდის.

www.worldsport.ge