როგორც ცნობილია, სილამაზესთან დაკავშირებით, ყველას საკუთარი შეხედულება აქვს, თუმცა უნდა ითქვას, რომ პრაქტიკულად ყველა ქალი თანახმდება, რომ ყველაზე ლამაზი თვალის ფერი მწვანეა. სწორედ მწვანე ფერის თვალების ქონას ნატრობს გამოკითხულ რესპოდენტთა უმეტესი ნაწილი. მშვენიერი სქესის წარმომადგენლები მწვანე ფერის თვალებს ბუნების ფერებს ადარებენ - ტყეებს, მინდვრებს, ბალახებს.

მეორე ადგილზეა ცისფერი ფერის თვალი, ხოლო ყველაზე არასასურველი ფერი ყავისფერია.

რატომღაც სუსტი სქესის წარმომადგენლები არ აღნიშნავენ შავ თვალებს, რომელიც მართლაც ძალიან ლამაზი ფერია.

გამოკითხულთა უმრავლესობა უპირატესობას მწვანე და ცისფერ თვალებს კი ანიჭებს, მაგრამ ერთი საინტერესო ფაქტი.

შვედმა მეცნიერებმა სულ ცოტა ხნის წინ ჩაატარეს კვლევა, რომლის შედეგად დადგინდა, რომ თაფლისფერთვალიანი ადამიანები გარშემომყოფების განსაკუთრებულ ნდობას იმსახურებენ.ყველა მოხალისეს, რომლებიც ექსპერიმენტში მონაწილეობდნენ, სთხოვეს ფოტოებზე გამოსახული უცნობი ადამიანების მომართ ნდობის დონე შეეფასებინათ. შედეგად აღმოჩნდა, რომ რესპოდენტების 60 პროცენტში ნდობა სწორედ თაფლისფერი თვალების მქონე ადამიანებმა გამოიწვიეს. რა არის ამ მოვლენის მიზეზი მეცნიერები ზუსტ ახსნას ვერ პოულობენ, თუმცა ფაქტი მაინც ფაქტად რჩება.