"ღაზა კვდება, მსოფლიო კი დუმს!!!" ეს სიტყვენი ჩემმა პალესტინელმა მეგობარმა მომწერა.

ღაზას სექტორში ვითარება უკიდურესად დაძაბულია. ისრაელის არმია მეშვიდე დღეა მოძრაობა "ჰამასის" წინააღმდეგ ანტიტერორისტულ ოპერაციას აწარმოებს.დაღუპულია ასობით მშვიდობიანი მოქალაქე და ბავშვი.

ღაზას სექტორში მიმდინარე ქმედებებთან დაკავშირებით, კომენტარი ისრაელის პრემიერ-მინისტრმა გააკეთა. ბენიამინ ნეთანიაჰუს თქმით, ისრაელი მზადაა, "ჰამასის" წინააღმდეგ საომარი მოქმედების არეალი გააფართოვოს. ისრაელი ღაზას სექტორში სამხედრო ოპერაციას გააფართოებს და სახმელეთო მოქმედებებს დაიწყებს. ამ ფონზე მხარეებს შორის მოლაპარაკება გრძელდება ქაიროში. კონფლიქტის ზონაში კი მოლაპარაკებებს საფრანგეთის საგარეო საქმეთა მინისტრი მართავს.

აშშ-ის პრეზიდენტი ბარაკ ობამა ტელეფონით ესაუბრა ისრაელის პრემიერმინისტრს ბენიამინ ნათანიაჰუს და მხარდაჭერა გამოუცხადა.
პალესტინელებს მხარდაჭერას მსოფლიოს სხვადასხვა ქვეყანაში ათასობით ადამიანი უცხადებს. ისრაელის მხრიდან ღაზას სექტორის დაბომბვას მსოფლიოს სხვადასხვა ქვეყანაში აპროტესტებენ. ეგვიპტეში, ლიბანსა და შეერთებულ შტატებში პალესტინის დროშებით ხელში ათასობით ადამიანი გამოვიდა.