1936 წლის 3 ივლისს საბჭოთა კავშირში შეიქმნა შსსს-თან არსებული სახელმწიფო ავტოინსპეცია(ГАИ).

სახელმწიფო ავტოინსპექციის ძირითადი ამოცანა იყო ავარიებთან ბრძოლა, ტრანსპორტის ექსპლუატაციისა და მისი რეგისტრაციის ტექნიკური სტანდარტების შემუშავება და მძღოლების მომზადება და მათი პასუხიმგებლობის კონტროლი.

სახელმწიფო საავტომობილო ინსპექციის შექმნამდე გზებზე მოძრაობას მილიცია აკონტროლებდა, ანუ მის დაქვემდებარებაში მყოფი ОРУД - ქუჩაში მოძრაობის რეგულირების განყოფილება, რომლის ამოცანა მხოლოდ მოძრაობის პირდაპირ კონტროლს მოიცავდა. ОРУД ცალკე განყოფილებად 1950-იან წლებამდე დარჩა.

თუ როგორ დაამახსოვრდათ საბჭოთა მოქალაქეებს ГАИ -ის ტიპიური წარმომადგენელი-ავტოინსპექტორი, ბევრს კარგად მოეხსენება-ჩვეულებრივი შარაზე მდგომი "ფორმიანი ყაჩაღი", რომლის ძირითადი მიზანი მხოლოდ ფულის გამოძალვა იყო.

ეს ცალკე თემაა, ახლა კი გავიხსენოთ ის ავტომობილები, რომელიც სახელმწიფო ავტოინსპექციას ემსახურებოდა:

გაზ M-1 (სახალხო ენაზე ცნობილი როგორც „ემადინი“) საბჭოთა მსუბუქი ავტომობილი, რომელიც მასობრივად იწარმოებოდა გორკის საავტომობილო ქარხანაში 1936 წლიდან 1942 წლამდე.

ომის შემდეგ, საკმაოდ დიდი ხნის განმავლობაში, ГАИ იძულებული იყო გამოეყენებინა ნადავლი ავტომობილები, რომელთა მდგომარეობა უმეტეს შემთხვევაში არასურველი იყო . ცოტა მოგვიანებით, დაიწყო Moskvich-400 სედანების გამოყენება, რომლებიც სტრუქტურულად გერმანული Opel Kadett K38 -ის ასლი იყო.

1950-იან წლებში საგზაო მოძრაობის კონტროლის ოფიცრებმა ცნობილი -ГАЗ-M20 "პაბედა"მიიღეს.

საგზაო ავტოინსპექტორებს შორის ერთ-ერთი ყველაზე გავრცელებული მანქანა იყო "ვოლგა"გაზ-21. მანქანის სახურავზე დამონტაჟებული იყო სპეციალური სადგამი, რომელზეც დინამიკი იყო მიმაგრებული.

1968 წელს ГАИ-ის ავტომობილები ცნობილი ყვითელი საღებავით შეიღება გვერდებზე ლურჯი ზოლით და წინა კარებზე სსრკ-ს გერბით.

ვოლგა-ГАЗ-24

მოსკვიჩი-412

რაფ-22033

ვაზ-2101-94

ვაზ -2108

უაზ-469