ტაილანდის ქალაქ უდონ თანიში გოგონამ უარი თქვა მოტო ტაქსით მგზავრობის საფასურის გადახდაზე და მძღოლს ფულის ნაცვლად სექსი შესთავაზა. ამის შესახებ იტყობინება Bangkok Post.

23 წლის ტაქსის მძღოლმა მგზავრი მისამართზე მიიყვანა და 40 ბატის (დაახლოებით 4 ლარი) გადახდა სთხოვა. ახალგაზრდა ქალმა უპასუხა, რომ ფული არ ჰქონდა, გადმოხტა მანქანიდან და საერთო საცხოვრებელში შევიდა. ამის შემდეგ გოგონამ ტაქსის მძღოლს შეტყობინება გაუგზავნა, სადაც ის ბინაში ეპატიჟებოდა, რათა სექსი ჰქონოდათ. ტაქსის მძღოლმა უარი უთხრა და პოლიცია გამოიძახა. მცირე ლოდინის შემდეგ, შენობიდან მამაკაცი გამოვიდა და გოგონას მგზავრობის საფასური გადაიხადა.

გამოძახებაზე მისულმა პოლიციელებმა ინციდენტის ყველა მონაწილე დაკითხეს. მამაკაცმა, რომელმაც მგზავრობის საფასური გადაიხადა, თქვა, რომ გოგონას არ იცნობდა და უბრალოდ შეებრალა.

თავად ინციდენტის მომწყობმა თავისი შეთავაზება მარტოობით და იმ იმედით ახსნა, რომ ტაქსის მძღოლი მას კომპანიას გაუწევდა.

გოგონას 72 წლის ბებია, რომელიც პოლიციას გაესაუბრა, ამბობს, რომ გოგონა ნარკოტიკებს მოიხმარს და ფსიქიკური პრობლემები აქვს.

მანამდე გავრცელდა ინფორმაცია, რომ ტაილანდელმა ქალმა ტაქსი გაიტაცა მას შემდეგ, როცა მძღოლმა მასთან სექსზე უარი თქვა. ის დააკავეს და ქურდობაზე ბრალი წაუყენეს. ქალს ხუთ წლამდე თავისუფლების აღკვეთა ემუქრებოდა.

ადრე ვწერდით ტაილანდელ ქალზე, რომელიც აზარტული თამაშებით იყო გატაცებული.პოლიციის თქმით, აზარტულ თამაშებზე დამოკიდებული 36 წლის ქალი კლავდა იმ მეგობრებს ვისი ვალიც ჰქონდა, შემდეგ კი მათ სამკაულებსა და ძვირფას ნივთებს იპარავდა.მთლიანობაში 14 მეგობრის ციანიდით მოწამვლაში დაედო ბრალი.სასამართლომ მას სასიკვდილო განაჩენი გამოუტანა(მიყევი ბმულს)