არავინ იცის, სად არის მელანია ტრამპი. რატომ გაურბის ის აშშ-ის პრეზიდენტს და თითქმის არასდროს ჩნდება თეთრ სახლში?

ჟურნალისტი მაიკლ ვოლფი: ცოლს ტრამპი სძულს და ის აღარ ცხოვრობს თეთრ სახლში

აშშ-ის პრეზიდენტ დონალდ ტრამპსა და მის მეუღლე მელანიას შორის ცივი ურთიერთობის შესახებ ჭორები ჯერ კიდევ მისი პირველი ვადით არჩევის დროს ვრცელდებოდა. თუმცა, იმ დროს ეს ვარაუდები ეფუძნებოდა ფოტოებსა და ვიდეოებს, რომლებშიც მელანია, სავარაუდოდ, ქმარს გაურბოდა.

აქამდე არ არსებობდა უფრო დამაჯერებელი მტკიცებულება იმისა, რომ ეს ქორწინება მხოლოდ ქაღალდზე არსებობდა. ამერიკელი ჟურნალისტი მაიკლ ვოლფი ამტკიცებს, რომ მას აქვს მტკიცებულებები. ტრამპის ურთიერთობა მეუღლესთან აღწერილია მის წიგნში „ყველაფერი ან არაფერი: როგორ დაიბრუნა ტრამპმა ამერიკა“, რომელიც 8 ივლისს გამოვა.

ტრამპის ახლო თანამოაზრეებმაც კი არ იციან, სად ცხოვრობს მელანია.

როგორც აშშ-ის პრეზიდენტის ოჯახის კარგმა მეგობარმა და მის ფლორიდის რეზიდენციაში მარ-ა-ლაგოს მუდმივმა სტუმარმა უთხრა ვოლფს, მელანიას სძულს თავისი ქმარი. მხოლოდ იმის გამოცნობაა შესაძლებელი, თუ რას უკავშირდება ეს. ვოლფი ეჭვობს, რომ ტრამპის ღალატმა ითამაშა როლი, განსაკუთრებით მისმა რომანმა პორნომსახიობ სტორმი დენიელსთან, რომელიც ხმაურიანი სასამართლო პროცესით დასრულდადა რომელიც წააგო.

ვოლფის თქმით, ყველა ნიშანი არსებობს იმისა, რომ მელანია და ტრამპი, მიუხედავად იმისა, რომ ოფიციალურად არ განქორწინებულან, აღარ არიან ერთად.

„ისინი დაშორდნენ“, - განუცხადა ვოლფმა Daily Beast-ს. „შეერთებული შტატების პრეზიდენტი და პირველი ლედი აღარ ცხოვრობენ ერთად“.

პირველი ლედის ზუსტი საცხოვრებელი ადგილი ცალკე საკითხია და როგორც ვოლფმა აღმოაჩინა, რთული საკითხია.

დონალდ ტრამპის თანამშრომლებს და უშუალო ქვემდებარე პირებმაც კი არა აქვთ პასუხი პრეზიდენტის მეუღლეს თეთრ სახლში თავისი ადგილი აქვს გამოყოფილი, მაგრამ ბოლო დროს ის ცარიელია. ის ვაშინგტონში არ იმყოფება.

New York Times-ის ცნობით, პირველი ლედის გრაფიკის შესახებ ინფორმირებული წყაროები ამბობენ, რომ მელანიამ 2025 წლიდან მოყოლებული თეთრ სახლში მხოლოდ ორიოდე კვირა იმყოფებოდა.

ჭორები ვრცელდება, რომ ის დროის უმეტეს ნაწილს ნიუ-იორკში ატარებს, სადაც მას ცალკე ბინა აქვს Trump Tower-ის ცათამბჯენში. დანარჩენ დროს, პირველი ლედი, სავარაუდოდ, მარ-ა-ლაგოში იმალება. როგორც ჩანს, ის ამას ძალიან კარგადაც ახერხებს, რადგან ტრამპის რეზიდენციის რეგულარული სტუმრებიც კი თითქმის ვერასდროს ხედავენ მას .

მიუხედავად იმისა, რომ მელანია მონაწილეობდა ტრამპის პირველ საარჩევნო კამპანიაში, იგი რაც შეიძლება მეტად გაურბოდა მეორე წინა საპრეზიდენტო კომპანიას. 18 თვის განმავლობაში ის არ გამოცხადებულა ქმრის მიერ ორგანიზებულ არცერთ ღონისძიებაზე. „ყოველდღე გაურკვეველი იყო, მოვიდოდა თუ არა“, ციტირებს ვოლფი ტრამპის საარჩევნო კამპანიის მონაწილეების სიტყვებს.

როდესაც მელანიამ კამპანიის შუაგულში ავტობიოგრაფია გამოაქვეყნა, ეს უსიამოვნო სიურპრიზი იყო როგორც ტრამპისთვის, ასევე მისი პოლიტიკური სტრატეგებისთვის.

მათ სერიოზულად ეშინოდათ, რომ წიგნი შეიცავდა კომპრომატებს, რაც მას არჩევნებში დაამარცხებდა. თუმცა, მათი შიში ამაო იყო: ტექსტში არაფერი იყო საძრახისი.

მელანია ასევე არ გამოცხადდა სტორმი დენიელსის სასამართლო პროცესზე. ვოლფი წერს, რომ ტრამპის საარჩევნო შტაბმა სცადა მისი ერთ-ერთ სხდომაზე მოწვევა, რაზეც მან უპასუხა: „იოცნებეთ“. მას ასევე არ სურდა რესპუბლიკური პარტიის ყრილობაზე გამოსვლა, თუმცა წარსულში, პირველ არჩევნებზე გამოვიდა.

მელანია ტრამპთან არ იყო ბოლო მომენტამდე, არჩევნების დღესაც კი. ვოლფის წყაროს ცნობით, მან მაშინვე გააფრთხილა, რომ მხოლოდ გარანტირებული გამარჯვების შემთხვევაში მივიდოდა.

მელანია უბრალოდ ცდილობს, რომ ყურადღების ცენტრში არ იყოს. ის ხანდახან პირველი ლედის რანგში ღონისძიებებს ესწრება, მაგრამ აშკარად არ მოსწონს. ივნისში ის დონალდ ტრამპის მიერ ორგანიზებულ სამხედრო აღლუმზე შენიშნეს. აშკარად მოწყენილი იყო და ჩათვლიმა კიდეც.

სხვა ღონისძიებაზე ტრამპმა შეაქო იგი დიპ-ფეიკების საწინააღმდეგო კანონის მხარდაჭერისთვის.

„როდესაც დავინახე, რომ ის კანონპროექტს ორივე პარტიამ დაუჭირა მხარი, ვუთხარი, იცი, მელანია, მგონი ამ სამსახურს წამართმევ“, - ხუმრობით თქვა პრეზიდენტმა. „ჩვენ ხშირად არ გვაქვს ასეთი ორპარტიული მხარდაჭერა“. მელანიამ თავი დაუქნია და გაიღიმა.

სანამ მელანია ცდილობს ქმრისგან დისტანცირებას, სხვა ქალები იკავბენ მის ადგილს. ყველაზე მეტად აქტიურობს ტრამპის მეორე ცოლი, ყოფილი მსახიობი მარლა მეიპლსი . ბოლო დროს მას მარ-ა-ლაგოში მელანიაზე გაცილებით ხშირად ხედავდნენ.

მეიპლსი ტრამპს 1985 წელს ჩოგბურთის მატჩზე შეხვდა და გარკვეული პერიოდის განმავლობაში მისი საყვარელი იყო. 1993 წელს მათ ქალიშვილი შეეძინათ და ორი თვის შემდეგ დაქორწინდნენ (იმ დროისთვის ტრამპი უკვე განქორწინებული იყო პირველ ცოლთან). ქორწინება ექვსი წელი გაგრძელდა და როგორც მოსალოდნელი იყო, კიდევ ერთი ღალატით დასრულდა - ამჯერად მელანიასთან. 1999 წელს ტრამპი და მეიპლსი დაშორდნენ და განქორწინება მისთვის ძალიან მომგებიანი აღმოჩნდა: მან მიიღო მილიონი დოლარი და ალიმენტი ქალიშვილისთვის ასი ათასი დოლარის ოდენობით.