ლოს-ანჯელესში, სიელო დრაივის 10050 ნომერში მდებარე ვილაში მომხდარი მასობრივი მკვლელობა XX საუკუნის ერთ-ერთ ყველაზე ცნობილ დანაშაულად ითვლება.

1969 წლის 8 აგვისტოს საღამოს, ტექს უოტსონი, სიუზან ატკინსი და პატრიცია კრენვინკელი შეიჭრნენ საკულტო რეჟისორის, რომან პოლანსკის და მისი მეუღლის, ცნობილი მსახიობის, შერონ ტეიტის მიერ დაქირავებულ სასახლეში. მათ სასტიკად მოკლეს ორსული ტეიტი და მის ოთხ სტუმარი, რისთვისაც 1971 წელს სამუდამო პატიმრობა მიესაჯათ.

ორმოცდათექვსმეტი წლის შემდეგ, 2025 წლის 30 მაისს, პირობითი ვადამდე გათავისუფლების საბჭომ 77 წლის კრენვინკელის გათავისუფლების რეკომენდაცია გასცა იმ მოტივით, რომ ის გამოსწორდა.

აქვს თუ არა თავისუფლების შანსი ხანდაზმულ მკვლელს, რომელმაც სიცოცხლის სამი მეოთხედი ციხეში გაატარა?

კრენვინკელს წლები დასჭირდა, რომ მენსონის ზეგავლენისგან განთავისუფლებულიყო.

კალიფორნიის პირობით ვადამდე გათავისუფლების საბჭომ კიდევ ერთხელ გასცა რეკომენდაცია კრენვინკელის გათავისუფლების შესახებ. ამ გადაწყვეტილების მიზეზად ის სახელდება რომ ხანდაზმული ქალი ნაკლებად სავარაუდოა, რომ ახალ დანაშაულებს ჩაიდენს, განსაკუთრებით იმის მსგავსს, რისთვისაც ის 1969 წელს დააკავეს.

ფოტოზე:პატრიცია კრენვინკელი(ცენტრში)

ციხეში ყოფნის პირველი წლებში კრენვინკელი მენსონისა და მისი კულტის ერთგული დარჩა, თუმცა არც ყოფილ წევრებს და არც ექსპერტებს არ შეუძლიათ დანამდვილებით თქვან, თუ რა იყო მისი დოქტრინები. იქ ყველაფერი სიყვარულსა და თავისუფლებაზე ტრიალებდა, რომელიც შემდგომ მოულოდნელად სისხლიან კოშმარად იქცა.

სიელო დრაივზე მდებარე სასახლეში მომხდარი მასობრივი მკვლელობა იმდენად სასტიკი და უაზრო იყო, რომ კინემატოგრაფიული ძალადობისადმი მიდრეკილებით ცნობილმა რეჟისორმა კვენტინ ტარანტინომაც კი გადაწყვიტა, ეკრანზე მაინც გადაერჩინა ტეიტი და მისი მეგობრები. ფილმში „ერთხელ ჰოლივუდში“ ბრედ პიტის პერსონაჟი შეშლილ კულტის წევრებს ებრძოდა. 2019 წლის ფილმში პატრიცია კრენვინკელის როლს მედისენ ბიტი თამაშობს.

ნამდვილი კრენვინკელი წლების განმავლობაში გონს მოეგო. მან უარი თქვა თავის ყოფილ სულიერ მასწავლებელზე და სხვა პატიმრების დახმარება დაიწყო. ქალმა მიიღო უნივერსიტეტის ხარისხი სოციალური მომსახურების სფეროში, მრავალი წლის განმავლობაში აქტიურად მონაწილეობდა ციხის საძმოში ანონიმური ალკოჰოლიკებისა და ნარკომანების გზაზე დაყენებაში, ასევე საკუთარ თავზე აიღო წერა -კთხვის უცოდინარ პატიმრებისთვის კითხვის, წერის და ცეკვის სწავლებაც კი.

"პეტმა სრული პასუხისმგებლობა აიღო ყველაფერზე, რაც მან ჩაიდინა ასევე იმ წვლილზეც, რომელიც მან „მენსონის“ დამახინჯებულ ფილოსოფიაში შეიტანა, რომელსაც ის იღებდა და იწონებდა. რაც მთავარია, მან პასუხისმგებლობა აიღო ყველა იმის სიცოცხლეზე, რომელიც 1969 წელს ჩაკლა.-კიტ უოტლი, პატრიცია კრენვინკელის ადვოკატი.

შეგახსენებთ, თავად სექტის მეთაური, ჩარლზ მენსონი სამარტოო საკანში, 2017 წლის 19 ნოემბერს 83 წლის ასაკში გარდაიცვალა, მას მანამდე 12-ჯერ უთხრეს უარი შეწყალებაზე.