ირანული მედიის გამოქვეყნებული ფოტო ინტერნეტში დაცინვის ობიექტი გახდა.

ირანელმა ჟურნალისტებმა ისრაელის F-35 ბომბდამშენის შამოგდების შესახებ გაავრცელეს ინფორმაცია. თითქოსდა ირანმა მოახერხა აშშ-ში წარმოებული თვითმფრინავის ხელში ჩაგდება.

თუმცა, გამოქვეყნებულ ფოტოში უცნაური რამ არის - თვითმფრინავის სიგრძე დაახლოებით 100 მეტრია.

ექსპერტებმა უკვე შეადარეს „ირანის მიერ ჩამოგდებული F-35“ ფეხბურთის მოედანს.არა და ნამდვილი F-35-ის სიგრძე 15 მეტრს არ აღემატება.

უცნაური ბომბდამშენის ფოტო ინტერნეტში გავრცელდა და მემად იქცა.

სოციალური ქსელის მომხმარებლები გიგანტურ კატებს, მულტფილმის პერსონაჟებს, ამოუცნობ მფრინავ ობიექტებს და სხვა საგნებს პაწაწინა ადამიანების ფონზე აქვეყნებენ.

ამასობაში, გავრცელდა ინფორმაცია თეირანის ციხიდან არეულობისა და პატიმრების მასობრივი გაქცევის შესახებ. ირანის ოპოზიციურმა არხებმა აჩვენეს ვიდეო, სადაც ხალხი გზატკეცილზე გარბის.

გავრცელდა ინფორმაცია, რომ პატიმრები წინასწარი დაკავების იზოლატორიდან გაიქცნენ.

სხვა ინფორმაციით, პატიმრები აფეთქებების შემდეგ გაიქცნენ ბანაკიდან, სადაც ნარკოდილერები იხდიდნენ სასჯელს.