ამიტომ გთვლით გოიმ ბანძებად და ამიტომ გლანძღავთ და გაგლანძღავთ სანამ გონს არ მოხვალთ და დიდ საჯარო ბოდიშს არ მოიხდით ქართული საზოგადოების წინაშე თქვენი პროფესიული მოვალეობების ფეხქვეშ გათელვის გამო."- წერს "ტაბულას" დამფუძნებელი სოციალურ ქსელში.

შეგახსენებთ, რომ თბილისის საქალაქო სასამართლოში 20-მდე აქტივისტი და ჟურნალისტი დაიბარეს. ყველა მათგანს „ქართული ოცნების“ პოლიტიკოსებისათვის ფეისბუქზე შეურაცხყოფის მიყენებას ედავებიან.

ჟურნალისტებს, აქტივისტებსა და პოლიტიკოსებს FB-სტატუსების გამო ედავებიან 173-ე მუხლის პირველი ნაწილით გათვალისწინებულ ადმინისტრაციულ სამართალდარღვევას, რაც 1500 ლარიდან 4000 ლარამდე ჯარიმას ან 45 დღემდე პატიმრობას ითვალისწინებს.

ცნობისთვის, ფეისბუქსტატუსის გამო 4 000 ლარით დააჯარიმეს თავად თამარ ჩერგოლეიშვილიც. თბილისის საქალაქო სასამართლოს მოსამართლემ, დავით თეთრაულმა "ფედერალისტების" დამფუძნებელს 4 ათასი ლარის გადახდა დააკისრა. ჩერგოლეიშვილს სოციალურ ქსელში "ქართული ოცნების" წარმომადგენლების, მამუკა მდინარაძისა და თეა წულუკიანისთვის შეურაცხყოფის მიყენებას ედავებოდნენ. "ტაბულას" დამფუძნებელი სასამართლო სხდომას არ დასწრებია.