ბეღურები — ფრინველები, რომლებთანაც ასფალტს ვიყოფთ. ეს ბუმბულიანი «განგსტერები», ეზოში და სადარბაზოებში, მუდმივად გარჩევებს აწყობენ. მაგრამ, ამ ბოლო დროს, თითქოს მათი რაოდენობა შემცირდა და ამას, რა თქმა უნდა, მიზეზი აქვს.

ამ სტატიაში, სწორედ ჩვენს მეზობლებზე იქნება საუბარი, რომლებიც ზამთარ–ზაფხულ, ჩვენთან არიან და არასდროს გვტოვებენ.

1. ზამთარში, ხშირად, მობუზული ბეღურა გვინახავს და ალბათ, ბევრს გასჩენია შეკითხვა, თუ რატომ არ მიფრინავენ თბილ ქვეყნებში?

საქმე იმაშია, რომ ამ ფრინველებს, დიდი ხნის მანძილზე, ჰაერში ყოფნა არ შეუძლიათ. ბეღურებისთვის, ფრენის კომფორტული დროის პერიოდი 15-20 წთ-ია. ამის შემდებ, მათ დასვენება და ამოსუნთქვა ესაჭიროებათ.

24 სთ-ში, ბეღურას ფრენით, 50-100 კმ-ს დაფარვა შეუძლია. მაგრამ, ჩვეულებრივ, ბინადრობისთვის, ის პატარა, მყუდრო ადგილს ირჩევს, სადაც საკვების შოვნის შანსი ექნება.

2. ფრენის დროს, ფრინველის გულისცემა, წუთში, დაახლოებით, ათასი დარტყმის ტოლია. შედარებისთვის, ჩვენი გულისცემა, სირბილის დროს, წუთში, მხოლოდ 140 დარტყმაა.

3. ბეღურა, საშუალოდ, 30 გრამს იწონის. ხოლო, მისი ტვინის მასა, 1 გრ-ს ტოლია. რაც იმას ნიშნავს, რომ ფრინველებს შორის, სხეულის მასასთან თანაფარდობით, ბეღურას ყველაზე დიდი ზომის ტვინი აქვს!

აქვე უნდა აღინიშნოს, რომ არსებობენ ჯუჯა ბეღურებიც, რომელთა მასა 10-12 გრ-ს არ აღემატება.

4. ბეღურები, დღის მანძილზე, საკუთარი სხეულის მასის 30%-მდე საკვებს იღებენ. ადამიანმა მათ რომ მიბაძოს, დღეში მაგ., 20 ბურგერის ჭამა მოგვიწევს.

5. მათი ჭიკჭიკი — უბრალო ბგერების ნაკრები კი არა. ის — სრულფასოვანი ენაა. მეცნიერები 10–ზე მეტი «ფრაზა» დაითვალეს: «მოდით, აქ ნამცეცებია!»–დან დაწყებული — «ფრთხილად, კატაა!»–თი დამთავრებული.

6. თეორიულად, ამ ფრინველის სიცოცხლის ხანგრძლივობა 9-10 წელია. მაგრამ, ბეღურების უმრავლესობა, ზამთრის სუსხს ვერ უძლებს და იღუპება.

7. ეს ფრინველები სამყაროს ვარდისფერ ტონებში ხედავენ, რაც ძალიან უჩვეულო ფაქტია, არა მარტო ორნითოლოგიაში, არამედ ზოგადად, ცხოველთა სამეფოში.

ქალაქის ბეღურას ცხოვრება — სერიალია, «სამეფო კარის თამაშების» სტილში, ოღონდ, დრაკონების ნაცვლად — მტრედები არიან, რკინის ტახტის ნაცვლად კი — პურის ნაჭერია ასფალტზე...

დილა. ისინი დილის 5 საათზე იღვიძებენ, ხეზე, ან მავთულებზე იკრიბებიან და «კრებას» ატარებენ. მეცნიერებმა ჯერ ვერ დაადგინეს, საჭმლის შოვნის გზებს განიხილავენ, თუ უბრალოდ, ჭორაობენ.

დღე. ძირითადი საქმიანობა — საკვებზე ნადირობაა. ბეღურები პურის ნაჭერს 100 მ–ში ხედავენ. ხოლო, ამის შემდეგ, შემდეგ ტაქტიკას მიმართავენ: ახლოს მიფრინდებიან, ისე იქცევიან, თითქოს არ აინტერესებთ, შემდეგ კი, ელვის ვისწრაფვით «დაეცემიან» საკვებს. თუ კონკურენტი იქვეა — ბრძოლა იწყება. ფრთები, ნისკარტი, კივილი… — დაპირისპირებული მხარეები, ერთმანეთს, მთელი «არსენალით» უტევენ.

საღამო. რთული დღის შემდეგ — «დასვენების» დროც დგება. უფრო სწორედ, ომი გრძელდება, მაგრამ, ახლა უკვე, საუკეთესო ტოტებისთვის, რომ დაიძინონ.

1. ტერმინატორის კატები. მაწანწალა კატები და მტაცებელი ფრინველები (კაჭკაჭები, ყვავები) — ბეღურების მტრები არიან. ბოლო დროს კი, კატები განსაკუთრებით მომრავლდნენ.

2. სიწყნარე — ფუფუნებად იქცა. მანქანების ხმაური, ბეღურებს კომუნიკაციაში ხელს უშლის.

3. ეკოლოგიური მდგომარეობა. პესტიციდები პარკებში და ნაკლები მწერი (ბარტყების მთავარი საკვები) — გავლენას ახდენს ფრინველების პოპულაციაზე.

თუ გინდათ, რომ თქვენს ფანჯრებთან მათ ისევ იჟღურტულონ:

I. შექმენით «ბეღურების ცენტრი». დაუდგით საკვები პატარა თასებით. ეს შეიძლება მარცვლეული, ან პურის ნაფხვენი იყოს — ის რაც გაქვთ. მთავარია, მარილიანი და შემწვარი არ იყოს.

II. არ მოაგროვოთ ფოთოლი შემოდგომაზე. მის ქვეშ მწერები იმალებიან — ცილოვანი საკვები ბარტყებისთვის.

III. გააკეთეთ ფრინველის სახლები, ფართო შესასვლელით — ბეღურა წივწივა არ არის, რომ ვიწრო ხვრელში შეძვრეს.

არხის სხვა სიახლეები:

* საიდან იცოდნენ ძველმა ცივილიზაციებმა, ჯერ კიდევ 6000 წლის წინ, მზის სისტემის აგებულების შესახებ?

* ყველაზე ჭკვიანი – რა ვიცით კატის ინტელექტის შესახებ?

* საინტერესო ფაქტები, რომელიც არადამაჯერებლად ჟღერს, მაგრამ სიმართლეა

* რომელი ვიტამინი უწყობს ხელს წონაში კლებას და მნიშვნელოვნად აუმჯობესებს ჯანმრთელობის მდგომარეობას?