ბრაზილიაში, რიო-გრანდე-დუ-სულის შტატის ქალთა მინი-ფეხბურთის გუნდის წევრი პორნოფილმში გადაღების გამო გუნდიდან დაითხოვეს. ამის შესახებ Daily Star იტყობინება.

21 წლის მარსელა სოარესმა კლუბ "Pelotas "-იდან მას შემდეგ გარიცხეს, როდესაც ხელმძღვანელობამ აღმოაჩინა, რომ მან ინტერნეტში რეიტინგით x გამოაქვეყნა საკუთარი ფოტო-ვიდეო მასალა. გოგონა აღშფოთებული იყო. „მე არასდროს შემიწყვეტია სპორტსმენობა, არასდროს გამომიჩენია უპატივცემულობა კლუბის მიმართ. მაგრამ მითხრეს, რომ ბავშვებს ცუდ მაგალითს ვაძლევ“, - ჩიოდა ის სოციალურ ქსელში.

კლუბში განაცხადეს, რომ გოგონამ თავისი საქციელით გუნდის რეპუტაცია შელახა. ამავდროულად, სოარესმა აღნიშნა, რომ კლუბში ნაშოვნი ფული 550 რეალი, (თითქმის 100 აშშ$)მხოლოდ ვარჯიშზე და მგზავრობის საფასურისთვის იყო საკმარისი, თუმცა x საიტებზე 100-ჯერ მეტს შოულობს, გოგონას თქმით ბოლო ოთხ კვირაში 55 000 რეალი გამოიმუშავა.

ის ცდილობდა დამატებით ფულის გამომუშავებას. მან თქვა, რომ ყოველთვის უყვარდა და ეყვარება მინი-ფეხბურთი, მაგრამ უარს ამბობს იმ ადამიანებთან გვერდით ყოფნაზე, რომლებიც ცდილობენ გააკონტროლონ ის, თუ რას აკეთებს ფეხბურთის მოედნის გარეთ..

სოარესმა ასევე თქვა, რომ ის უბრალოდ შიშველი იყო და სხვა არაფერი ცუდი არ ჩაუდენია. თუმცა, Daily Star-ის ცნობით, მის გვერდზე განთავსებულია ვიდეო, რომლის სათაურშიც "ორგიაა" მითითებული.