ლუდვიგ ვან ბეთჰოვენის გარდაცვალებიდან თითქმის ორი საუკუნის შემდეგ, მისმა შთამომავლებმა აღადგინეს გერმანელი გენიოსის ნამდვილი სახე. ის ისეთივე მკაცრი აღმოჩნდა, როგორც მისი რეპუტაცია. კომპოზიტორი ყოველთვის ასოცირდებოდა პირქუშ მზერასთან და უსიამოვნო ხასიათთან, ხოლო მის პორტრეტებზე ტრადიციულად პირქუში და მდუმარე ადამიანი იყო გამოსახული.

ახლა კი ბრაზილიელმა გრაფიკულმა დიზაინერმა სისერო მორაისმა წარმოადგინა ბეთჰოვენის გარეგნობის პირველი სამეცნიერო რეკონსტრუქცია, რომელიც შესრულებულია თავის ქალის საფუძველზე.

ლეგენდარული კომპოზიტორის ლუდვიგ ვან ბეთჰოვენის გარეგნობის 3D-მოდელი პირველად გამოჩნდა ინტერნეტ სივრცეში.

დიზაინერმა სისერო მორაისმა მუშაობისთვის გამოიყენა 1863 წელს გადაღებული თავის ქალის ისტორიული ფოტოები და 1888 წლის გაზომვის მონაცემები. ამ მასალების საფუძველზე მან შექმნა სამგანზომილებიანი მოდელი, რომელსაც დაუმატა რბილი ქსოვილების სისქე საშუალო ევროპული მონაცემებით, მოდელირება გაუკეთა ცხვირს და სახის ზოგად კონტურებს.

„ობიექტური“ სახის შექმნის შემდეგ, მორაისმა დაამატა ვარცხნილობა და ტანსაცმელი, ბეთჰოვენის ცნობილი პორტრეტის მიხედვით, რომელიც ჯოზეფ კარლ სტილერმა დახატა. დეტალებისთვის მან გამოიყენა ხელოვნური ინტელექტის ინსტრუმენტები.

სხვათა შორის, ასე გამოიყურებოდა ვოლფგანგ ამადეუს მოცარტი

მორაისმა მისი 3D მოდელი იანვარში შექმნა. ის, რა თქმა უნდა, ბევრად უფრო ხალისიანად გამოიყურება.

ასევე დაგაინტერესებთ:

ბედი მოატყუა: ბეთჰოვენის დნმ–ის ანალიზმა აჩვენა მისი სუსტი მუსიკალური შესაძლებლობები

ლეონარდო და ვინჩის მიერ დახატული გვირაბები 500 წლის შემდეგ აღმოაჩინეს

რატომ გადაუღეს მეცნიერებმა პაგანინის 300 წლის ვიოლინოს რენტგენი და რა აღმოაჩინეს

შემთხვევით აღმოჩენილი დემონი – რესტავრატორებმა აღადგინეს 1789 წლის ნახატი

სინამდვილეში როგორ გამოიყურებოდა ვინსენტ ვან გოგი, რომელიც ავტოპორტრეტებს ხატავდა, მაგრამ ფოტოების გადაღება არ უყვარდა