ყველა ქალი ოცნებობს ჰარმონიულ ურთიერთობებზე, სადაც უყვარხარ და გაფასებენ. მაგრამ ხშირად ქალები ვერ ხვდებიან, რომ იმავე ტოტს ჭრიან, რომელზეც სხედან.ქვემოთ გაგაცნობთ ქალის(ცოლის) 5 საქციელს მამაკაცის(ქმრის) მიმართ, რომელიც ძალზე სახიფათოა და საბოლოოდ, შეიძლება გაყრით დასრულდეს

1. დედიკოს სინდრომი

„ ქუდის დახურვა არ დაგავიწყდეს“, „ქურთუკის ღილები შეიკარი?“, „გასაღებები აიღე?“ ნაცნობი სიტყვებია არა? ბევრი თქვენგანი, შეუმჩნევლად, ზრდასრული მამაკაცისთვის მზრუნველ დედად იქცევა. ფსიქოლოგები ამ ტრანსფორმაციას ურთიერთობებში სექსუალური სურვილის ერთ-ერთ ყველაზე ძლიერ მკვლელს უწოდებენ. შენს გვერდით მყოფი მამაკაცი არ არის ბავშვი, რომელსაც მოვლა და მუდმივი კონტროლი სჭირდება. მან როგორღაც მოახერხა ცხოვრება მანამდე, სანამ შენ შეგხვდებოდა მუდმივი შეხსენებებისა და მინიშნებების გარეშე და ის აუცილებლად შეძლებს თავად გადაწყვიტოს, რა ჩაიცვას და როდის ჭამოს. ზრუნვა შესანიშნავია, როდესაც ის შესაფერისი მომენტშია. მაგრამ დაუსრულებელი შეხსენებები და შემოწმებები სურვილს უფრო სწრაფად კლავს, ვიდრე ნიჟარაში დაურეცხავი ჭურჭლის ხროვა. მამაკაცებს სურთ გვერდით ქალისა და პარტნიორის ნახვა და არა მეორე დედის, რომელიც მათ მიუთითებს, რა და როგორ გააკეთოს.

2. შედარება სხვა მამაკაცებთან

„აი, ლალის, ქმარი ყოველ დილით საწოლში საუზმეს უმზადებს!“, „ მარინას კოლეგა შენზე ორჯერ მეტ ხელფასს იღებს!“, „იცი, რამდენი ყვავილი აჩუქა ცოლს ჩემი მეგობრის ძმამ მათი ქოწინების წლისთავზე?“

სხვა მამაკაცებთან შედარება ნამდვილი დარტყმაა თქვენი პარტნიორის თვითშეფასებაზე და თავმოყვარეობაზე. წარმოიდგინე, როგორ იგრძნობდი თავს, თუ ის მუდმივად სხვა ქალებს შეგადარებთ? განსაკუთრებით საშიშია სოციალური ქსელებიდან მოყვანილი „პოზიტიური“ მაგალითები. იმავე მეგობრის ქმარი, რომელიც ყოველ დილით საუზმეს უმზადებს, შესაძლოა სხვა ამბავში ნამდვილი ტირანი იყოს. მაგრამ ჩვენ ამას ვერ ვხედავთ .

შედარებების ნაცვლად, ისწავლეთ შეამჩნიოთ და დააფასოთ ის, რაც თქვენს მამაკაცში განსაკუთრებულია. დამიჯერეთ, ეს ნებისმიერ საყვედურზე უკეთ მუშაობს.

3. ტელეპათიისა და ვარაუდის მცდელობები

ხშირად დარწმუნებულები ვართ, რომ შესანიშნავად გვესმის, რას ფიქრობს და სურს ჩვენს პარტნიორს. ამ „ცოდნაზე“ დაყრდნობით ჩვენ ვაშენებთ მთელ თეორიებს მისი დამოკიდებულების, გეგმებისა და გრძნობების შესახებ. ჩვენ აზრების წაკითხვა არ შეგვიძლია. და ამით სპეკულაცია ხშირად უკმაყოფილებას და კონფლიქტებს იწვევს. „კითხვაც არაა საჭირო, უკვე ვხვდები, რომ სამსახურის გამო ნერვიულობს“... იქნებ, უბრალოდ საკმარისად ვერ გამოიძინა? ან " მშობლების ჯანმრთელობის გამო ნერვიულობს? ... იქნებ ფიქრობს, როგორ გაგაოცოს ქორწინების წლისთავზე? მამაკაცები, როგორც წესი, უფრო პირდაპირები არიან კომუნიკაციაში და აფასებენ იმავე მიდგომას. ვარაუდების გამოთქმისა და წარმოსახვითი სიტუაციების ნაცვლად, უბრალოდ დასვით კითხვები. პირდაპირი კომუნიკაცია ნერვებს და ცრემლებს დაგიზოგავთ.

4 დაუსრულებელი შენიშვნები

"წინდები საწოლთან რატომ ყრია და არა გასარეცხების კალათაში". "საუზმის შემდეგ მაგიდაზე ნამცეცები რატომ ყრია!" "მანქანაში დაგრჩა მაღაზიაში ნაყიდი სურსათი?". სია გრძელდება და გრძელდება. ყველანი ვამჩნევთ ამ წვრილმანებს და ზოგჯერ ისინი ნამდვილად გვაგიჟებენ. მაგრამ დაფიქრდით - ღირს კი ემოციური რესურსების ასეთ წვრილმანებზე ხარჯვა? მუდმივი წუწუნი სახლში დაძაბულობის ატმოსფეროს ქმნის, სადაც მამაკაცი მუდმივად თავს დამნაშავედ გრძნობს და მოლოდინს არ ამართლებს. გონივრულად შეარჩიეთ თქვენი საყვედურები.

ყველა ნაკლი არ იმსახურებს თქვენს ყურადღებას და კომენტარს. ზოგჯერ უმჯობესია გაჩუმდე და ურთიერთობაში სიმშვიდე შეინარჩუნო, ვიდრე არასწორად გამოწურული კბილის პასტის გამო სცენა მოწყო. ეს არ ნიშნავს იმას, რომ რეალური პრობლემები უნდა მიაჩუმათო. მაგრამ ისწავლეთ მნიშვნელოვანის უმნიშვნელოსგან გარჩევა. შენი ქმარი იდეალური არ არის, მაგრამ არც შენ ხარ იდეალური.

5.მსხვერპლის როლი

„ყველაფერს თავად ვაკეთებ“, „მთელი სახლი და ბავშვები ჩემზეა“, „არავინ მაფასებს და ვერავინ მამჩნევს“ - ეს ფრაზები იმდენად ღრმად არის ფესვგადგმული ჩვენს ლექსიკაში, რომ ბევრი ადამიანი მათ თითქმის ავტომატურად წარმოთქვამს. მსხვერპლის როლი მოსახერხებელი ჩანს - ის მორალურ უპირატესობას და ყურადღებას ითხოვს. სინამდვილეში, ეს პოზიცია ურთიერთობებისთვის დამანგრეველია. მამაკაცები სწრაფად იღლებიან მუდმივი წუწუნით და საყვედურებით. თუ გრძნობთ, რომ პასუხისმგებლობის განაწილება უსამართლოა, ისაუბრეთ ამაზე კონკრეტულად და ერთად მოძებნეთ პრობლემის გადაჭრის გზები. „შაბათ-კვირას დალაგებაზე მოხმარება მჭირდება“ უფრო კონსტრუქციულად ჟღერს, ვიდრე „საოჯახო საქმეებს მხოლოდ მე ვაკეთებ“. მსხვერპლის პოზიცია მანიპულირების ერთგვარი სახეობაა, თუნდაც ის არაცნობიერი იყოს.

ჯანსაღი ურთიერთობები ურთიერთპატივისცემასა და პრობლემების გადაჭრაზეა აგებული და არა დანაშაულის გრძნობაზე.