სამცხე ჯავახეთი „აღარ გაჩერდებით თავხედო ხალხო? აღარ გეყოთ ამდენი ტყუილის წერა?“ - ახალციხეში გარდაცვლილი 2 წლის ბავშვის ბებია სააგენტოებს მიმართავს 16 მაისი, 17:21 
5 მაისს, ქალაქ ახალციხეში 2 წლის მცირეწლოვანი გარდაიცვალა. როგორც ადგილობრივები ამბობენ, ბავშვი საბავშვო ბაღში იმყოფებოდა, ცუდად გახდომის შემდეგ კი სასწრაფო დახმარების ბრიგადამ კლინიკა „იმედში“ გადაიყვანა, თუმცა მისი გადარჩენა ექიმებმა ვერ შეძლეს.
სამცხე-ჯავახეთის სასამართლო სამედიცინო ექსპერტიზის განყოფილების ექსპერტი, დავით მერაბიშვილი ამბობს, რომ ექსპერტიზის დასკვნა ლაბორატორიული პასუხების მიღების შემდეგ დაიდება.
ექსპერტი ადასტურებს, რომ 2 წლის ბავშვს გარეგანი დაზიანებები არ აღენიშნებოდა.
მიუხედავად ამისა, სოციალურ ქსელში რამდენიმე გაურკვეველი სააგენტო აქვეყნებს სტატიებს, თითქოს და ბავშვის გარდაცვალების მიზეზი ცნობილი გახდა და თემით მანიპულირებს. აღნიშნულ ფაქტს კი გარდაცვლილი ბავშვის ბებია გამოეხმაურა და კომენტარის სახით სააგენტოს პასუხი გასცა:
„აღარ გაჩერდებით თავხედო ხალხო? აღარ გეყოთ ამდენი ტყუილის წერა? მე არ ვიცი ჩემი პატარა რით დამეღუპა და თქვენ საიდან იცით, რომ აქვეყნებთ ამდენ უაზრო მესიჯებს. შეგრცხვეთ“, - წერს გარდაცვლილის ბებია.
 140 3-ს მოსწონს
|
  |
Intermedia.ge © 2011-2025 წელი
საავტორო უფლებები დაცულია
 |
