რუსეთ-უკრაინის საომარ ზონაში ჩრდილოეთ კორეის მრავალჯერადი ზალპური ცეცხლის რეაქტიული სისტემა „ჩუჩხე-100“ გამოჩნდა. სამხედრო კორესპონდენტმა ალექსანდრე კოტსმა მისი მუშაობის კადრები გამოაქვეყნა.

გამოქვეყნებულ ვიდეოში ჩანს გზაზე მდგომი საბრძოლო მანქანა, რომელიც სამიზნეს რაკეტებს ესვრის. თუმცა, არ არის(და არც იქნება) მითითებული ადგილმდებარეობა, სადაც ჩრდილოეთ კორეული ტექნიკა ბრძოლაში ჩაერთო.

სამხედრო კორესპონდენტმა აღნიშნა, რომ სადაზვერვო დრონებთან ერთად, "ჩუჩხე"-100-ს შეუძლია დაეხმაროს რუს სამხედროებს ისეთი „მსუქანი“ სამიზნეების განადგურებაში, როგორიცაა HIMARS MLRS, Patriot-ი, საჰაერო თავდაცვის სისტემები, შტაბი და ფრონტის ზურგში განლაგებული კომუნიკაციები.

„და რაც მთავარია, ამ სისტემის საბრძოლო მასალა დიდხანს გგვეყოფა - ჩვენს კორეელ მოკავშირეს ჭურვების წარმოება კარგად აქვს განვითარებული“, - წერს კოტსი.

როგორც ჩანს რუსები ჩრდილოეთ კორეულ ტექნიკაზე დიდ იმედებს აყენებენ, გამოცემა "Царьград"სამხედრო მიმომხილველ ვლად შლეპჩენკოს მიაჩნია, რომ ჩრდილო კორეული ტექნიკა, მნიშნელოვან წინააღმდეგობას გაუწევს "ნატოს" არტილერიას.

"ჩრდილოეთ კორეის მიერ თანამედროვე არტილერიისა და სარაკეტო სისტემების მიწოდება რუსეთს საშუალებას მისცემს, დიდწილად გაანეიტრალოს "ნატოს" არტილერიის უპირატესობა სიშორის და სიზუსტის მხრივ, რაც დაუყოვნებლივ მოგვცემს საშუალებას ეფექტური კონტრშეტევები განვახორციელოთ"-აღნიშნა შლეპჩენკომ.