ალექსანდრე ქართველიშვილი 1896 წლის 9 სექტემბერს თბილისში დაიბადა. 1919 წელს სასწავლებლად გაემგზავრა პარიზში, დაამთავრა პარიზის ავიაციის უმაღლესი სკოლა. 1921 წელს, საქართველოში საბჭოთა მმართველობა დამყარდა და ახალგაზრდა ავიაკონსტრუქტორი პარიზში დარჩა. ავიაინჟინერიის შესწავლის შემდეგ, მან ელექტრონიკის ფაკულტეტიც დაამთავრა. 1924 წელს მისმა თვითმფრინავმა უკვე სისწრაფის მსოფლიო რეკორდიც კი დაამყარა.

ქართველიშვილი 1922-1927 წლებში ლეგენდალური ფრანგი ავაიტორის, ლუი ბლერიოს კომპანიაში მუშაობდა გამომცდელად და ასევე თვითმფრინავების შექმნაზე. ერთ–ერთი ფრენის დროს მომხდარი ავარიისას სერიოზული ტრამვა მიიღო და ამის გამო სამუდამოდ ჩამოშორდა მფრინავის პროფესიას.

1931 წელს იგი შეხვდა თბილისელ ალექსანდრე სევერსკის, ცნობილი კორპორაცია "Seversky Aircraft Corporation"-ის პრეზიდენტსა და მთავარ ინჟინერს. 1939 წელს კომპანიას შეეცვალა სახელი და ეწოდა "Republic Aviacorporation", რომლის ვიცე-პრეზიდენტად და მთავარ ინჟინრად დაინიშნა ალ. ქართველიშვილი. ამ დროისთვის იგი უკვე მსოფლიოში აღიარებული ავიაკონსტრუქტორი იყო.

თბილისური დუეტი მეორე მსოფლიო ომის დროს, ამერიკული საჰაერო ძალების წარმატების მთავარი სულისჩამდგმელი გახდა. ალექსანდრე ქართველიშვილის სახელს უკავშირდება 14 სხვადასხვა თვითმფრინავის მოდიფიკაცია, რომელთაგან ყველაზე გამორჩეული, "მეორე მსოფლიო ომის ხერხემლად" წოდებული P-47-ა.

ქართველიშვილის მიერ ომის შემდეგ შექმნილი თვითმფრინავები დღესაც დაფრინავენ აშშ-ის სამხედრო ავიაციაში.

სამშობლოში დარჩენილ მის ოჯახის წევრებსა და ნათესავებს, ალექსანდრესთან კონტაქტი პრაქტიკულად არ ჰქონდათ.

ალექსანდრე ქართველიშვილი 77 წლის ასაკში გულის შეტევით გარდაიცვალა. ის საქართველოში აღარასოდეს დაბრუნებულა და არც შთამომავლობა დარჩენია.