შუადღისას, ინსპექტორ ვარნიკეს ოჯახური წყვილი მიუახლოვდა, რომელსაც ტბის სანაპიროზე კარავში ჰქონდა გაშლილი.

— ბოდიშს გიხდით, ინსპექტორო, შვებულების დროს გაწუხებთ, მაგრამ საშინელი უსიამოვნება შეგვემთხვა. ვიდრე ტყეში ვსეირნობდით, ჩვენი კაიაკი (ბაიდარა, მსუბუქი ნავი, რომელიც ორპირიანი ნიჩბით იმართება) გაქრა. მხოლოდ ნიჩაბი დარჩა, რომელიც კარავში იყო.

— რა დრო გავიდა, რაც ნავი დატოვეთ?

— გუშინ საღამოს, სადღაც, ათ საათზე წავედით.

— თქვენი ნავი დარეგისტრირებული იყო?

— დიახ, 8170 ნომრით იყო დარეგისტრირებული და ნავის ბორტზე კარგად ჩანდა.

— მთელი ტბის სანაპიროს შესწავლა მოგვიწევს, — თქვა ინსპექტორმა და იქვე შენიშნა ახალგაზრდა კაცი, რომელიც ნავს ნავმისადგომთან აბამდა. ვარნიკემ მას სთხოვა, რომ სანაპირო ხაზის გასწვრივ შემოეტარებინა.

— სიამოვნებით, ინსპექტორო, ჩემი ნავი თქვენს განკარგულებაშია. მართალია, უკვე საკმაოდ დაღლილი ვარ, რადგან დაახლოებით, რვა კილომეტრი გავიარე.

— არ შეწუხდეთ, მარტო გავცურავ — დაამშვიდა ინსპექტორმა ნავის პატრონი. — რეგისტრაციის ნომერი მითხარით, რომ შემდეგ, ადგილზე მივიყვანო.

— ნომერი ჯერ არ მაქვს. გუშინ ვიყიდე, ერთ-ერთი დამსვენებლისგან და ხვალ, შვებულების ბოლო დღეს, ვაპირებ მის დარეგისტრირებას.

— მაგრამ, პირველ რიგში, ჩემთან ერთად, უახლოეს პოლიციის განყოფილებაში მოგიწევთ წასვლა. რაღაც გარემოებები უნდა დავაზუსტოთ...

რამ დააეჭვა ინსპექტორი და რატომ იფიქრა, რომ ეს სწორედ მოპარული ნავი იყო?

პასუხი:

ახალგაზრდა კაცი ნიჩფებმა გასცა. ყველასთვის ცნობილია, რომ ამ ტიპის ნავი ორპირიანი ნიჩბით იმართება.

არხის სხვა სიახლეები:

* რა შემოსავალი ჰქონდა სტალინს და რაში ხარჯავდა მას?

* რეკლამის ნამდვილი შედევრები – 20 წარმოუდგენელი ფოტო

* ზიგმუნდ ფროიდის 20 ციტატა და თეზისი, რომელიც ადამიანების უკეთესად გაგებაში დაგეხმარებათ

* რომელი ვიტამინი უწყობს ხელს წონაში კლებას და მნიშვნელოვნად აუმჯობესებს ჯანმრთელობის მდგომარეობას?