ჩინეთში მკვლევარებმა წარმატებით გამოსცადეს წყალბადზე დაფუძნებული ასაფეთქებელი ნივთიერება, რომელიც ტროტილზე 15-ჯერ უფრო დამანგრეველია და 1000°C-ზე მეტ ტემპერატურას აღწევს, თანაც ბირთვული საწვავის გამოყენების გარეშე.

მაგნიუმირებულ მყარ წყალბადზე დაფუძნებულმა მასალამ, რომელიც 2 კილოგრამს იწონიდა, შექმნა ცეცხლოვანი ბურთი, რომელმაც ორ წამზე დიდხანს გაძლო - დაახლოებით 15-ჯერ უფრო დიდხანს, ვიდრე მისი ეკვივალენტი წონის ტროტილის აფეთქებამ.

სამხედრო მრეწველობაში ეს მხოლოდ ტექნიკური დეტალი არ არის. უფრო ხანგრძლივი, უფრო ცხელი ცეცხლოვანი ბურთი ნიშნავს აღჭურვის და თავდაცვის გაცილებით უფრო დიდ შესაძლებლობებს.

705 კვლევითი ინსტიტუტის მიერ შემუშავებული ტესტი აჩვენებს, თუ როგორ აფართოებს ახალი მასალების ქიმია ჩვეულებრივი ასაფეთქებელი ნივთიერებების შესაძლებლობების საზღვრებს - და შლის ხაზს ტრადიციულ და ახალი თაობის იარაღის სისტემებს შორის.

თავდაპირველად ამ ინოვაციის სამოქალაქო მიზნებით გამოცდა იგეგმებოდა, თუმცა ცდების პროცესში მისი სამხედრო პოტენციალი გამოიკვეთა და ჩინეთის თავდაცვის სამინისტრომ ის საკუთარ კონტროლს დაუქვემდებარა.

ბომბს უზარმაზარი დამანგრეველი ეფექტი აქვს, თუმცა ის არ გამოყოფს რადიაციას და ბირთვული აღჭურვილობისგან განსხვავებით არ უქმნის საფრთხეს მისი აფეთქების ეპიცენტრიდან ასობით და ათასობით კილომეტრის მანძილზე მცხოვრებ ადამიანებს.

იმის ფონზე, რომ ბირთვული იარაღის შეზღუდვის შესახებ უამრავი კონვენცია არსებობს, სულ უფრო პოპულარული ხდება იდეა არაბირთვული დამანგრეველი საშუალებების შესახებ, რომელთაც მოქმედების ფართო რადიუსი შეიძლება გააჩნდეთ. ქვეყნები უამრავ ფულს ხარჯავენ ასეთი საშუალებების შესაქმნელად.