რაში სჭირდებოდა მუსოლინის საქართველო და როგორ დასრულდა რეგიონის ხელში ჩაგდების მცდელობა?

საზოგადოებრივი

22 აპრილი, 8:43

იტალიაში, საქართველოს ხელში ჩაგდების გეგმა, ჯერ კიდევ, პირველი მსოფლიო ომის დროს გაჩნდა. იმ დროს, რუსეთში მძიმე ვითარება იყო. ამიტომ, თუ მოკავშირეები ანტანტიდან, რუსეთის დაშლის შემდეგ, მსუყე ნაწილის ხელში ჩაგდებას გეგმავდნენ, იტალიას ამიერკავკასია აინტერესებდა. კერძოდ – საქართველო.

1919 წ–ს ინგლისის ზეწოლით და ბიძგით, იტალიის პრემიერ–მინისტრი ვიტორიო, კავკასიაში შემოჭრას, 100-ათასიანი არმიით აპირებდა. მაგრამ, მოულოდნელად, ამ ლაშქრობის წინააღმდეგ, იტალიის მეფე ემანუელ III გამოვიდა. ამის შემდეგ, ორლანდო იძულებული გახდა დაკავებული თანამდებობიდან გადამდგარიყო. ხოლო, ახალმა ხელისუფლებამ, საქართველოსთან დაკავშირებული გეგმები დაივიწყა...

და ეს მანამდე გაგრძელდა, ვიდრე ხელისუფლების სათავეში მუსოლინი არ მოვიდა, რომელიც საქართველოზე გავლენის დამყარების იდეით იყო შეპყრობილი.

მუსოლინი თვლიდა, რომ ქვეყნის განვითარება, კოლონიების მეშვეობით უნდა მომხდარიყო. ამ მხრივ კი, იტალიას დიდი პრობლემები ჰქონდა – უფრო სწორედ, საკმარისი რაოდენობის კოლონიები არ გააჩნდა.

რამდენიმე ათეული წელი გავიდა, ვიდრე 1922 წ. ხელისუფლებაში მოსული მუსოლინი, საკუთარი გეგმის განხორციელებას შეუდგა... და სწორედ მაშინ გადაწყვიტა მოქმედება, როდესაც ჰიტლერმა თავისი ჯარები სსრ კავშირისკენ გაგზავნა.

თუმცა, უნდა აღინიშნოს, რომ იტალიელი დიქტატორი, კავკასიაში საკუთარი გავლენის დასამყარებლად, II მსოფლიო ომამდეც აქტიურად მუშაობდა. საქართველოში მან აგენტების ფართო ქსელი შექმნა. იტალიის სასარგებლოდ, ჯაშუშები, პროვოკატორები და პროპაგანდისტები მუშაობდნენ. მაგრამ ეს, საკმარისი არ იყო...

და აი, შანსი გაჩნდა – მეორე მსოფლიო ომი დაიწყო.

ქართულმა ოპოზიციამ გაიხარა... ხმა გავრცელდა, რომ ირაკლი ბაგრატიონი, იტალიელების მხარდაჭერით, მალე ტახტზე ავიდოდა. მუსოლინიმ კი, საქართველოს დასაპყრობად, 50 000–იანი არმია გამოგზავნა. მაგრამ, მისმა მეომრებმა მხოლოდ კისლოვოდსკამდე, ესენტუკამდე და პიატიგორსკამდე შეძლეს მისვლა.

კავკასიისთვის ბრძოლებში, 40 ათასამდე იტალიელი დაიღუპა. ვინც გადარჩა და ტყვედ არ ჩავარდა, რეგიონიდან გაიწვიეს და გერმანელების არმიას შეუერთეს, რომელიც იმ დროს დონთან იდგა.

ალბათ, ბევრს აინტერესებს, თუ რატომ საქართველო? საქმე იმაშია, რომ მუსოლინის ბუნებრივი რესურსებით მდიდარი რეგიონი აინტერესებდა (თუმცა, შესაძლოა, ამ მხრივ, მისი მოლოდინები საქართველოსთან დაკავშირებით, გადაჭარბებულიც იყო). გარდა ამისა, საქართველოში, სხვა რესპუბლიკებთან შედარებით, ოპოზიცია უფრო ძლიერი იყო. ამიტომ, საკმარისი იყო, საქართველოში როგორმე შემოეღწია და შემდეგ, პრობლემა არ იქნებოდა...