მადეირა ის ადგილია, რომელსაც თუ ერთხელ ნახავ, ვერასდროს დაივიწყებ. თუმცა, ეს კუნძული ბევრი ადამიანისთვის ჯერაც უცნობია. ამ სტატიაში გთავაზობთ ინფორმაციას, რომელიც უნდა იცოდეთ მადეირის შესახებ.

1. მადეირა პორტუგალიის ერთ-ერთი კუნძული და ავტონომიური რეგიონია, იგი ატლანტის ოკეანეში, აფრიკასთან უფრო ახლოს მდებარეობს ვიდრე თავად პორტუგალიის კონტინენტთან.

2. მადეირას მარადიული გაზაფხულის კუნძულს უწოდებენ
მადეირას ხშირად მოიხსენიებენ, როგორც „მარადიული გაზაფხულის კუნძული“, რადგან ზაფხულში ძალიან არ ცხელა და ზამთარში ძალიან არ ცივა. ეს ქმნის იდეალურ პირობებს როგორც დასასვენებლად, ისე საცხოვრებლად.

3. ლევადები — უნიკალური სარწყავი არხები და საფეხმავლო ბილიკები
მადეირას ლევადები, მინდვრების სარწყავი ძველი არხები — დღეს პოპულარული საფეხმავლო ბილიკებია. ისინი გადაჭიმულია მთელ კუნძულზე და ულამაზეს სანახაობებს გპირდებათ.

4. ფუნშალი — მინიატურული მეტროპოლი ოკეანის შუაგულში
კუნძულის დედაქალაქი არის ფუნშალი, აერთიანებს ისტორიულ არქიტექტურას, თანამედროვე ცხოვრებას, გემრიელ სამზარეულოს და კულტურულ ღირშესანიშნაობებს.

5. მადეირა ვულკანური წარმოშობის კუნძულია, რაც იმას ნიშნავს, რომ აქ შეხვდებით უნიკალურ კლდეებს, სანაპიროებს, ულამაზეს ჩანჩქერებს და ლაურისილვას უძველეს ტყეს.

6. ლაურისილვას ტყე UNESCO-ს მიერ დაცული მემკვიდრეობაა.

7. ტრადიციული სამზარეულო და ადგილობრივი ღვინო
მადეირას კერძები უნიკალურია: espetada (შამფურზე შემწვარი ხორცი), bolo do caco (ნივრიანი პური), და რა თქმა უნდა, მადეირას ღვინო — მსოფლიოში ცნობილია თავისი გემოთი და ისტორიული მნიშვნელობით.

8. დღესასწაულები და ფესტივალები მთელი წლის განმავლობაში
მადეირას კალენდარი სავსეა ფესტივალებით — ყველაზე ცნობილი მათ შორისაა ახალი წლის ღამის ფეიერვერკი (რომელიც გინესის რეკორდშიც კი იყო შესული), ყვავილების ფესტივალი, ღვინის ფესტივალი და კარნავალი.

9. ველური ბუნება და მეხსიერებაში დარჩენილი ლანდშაფტები
ავტოსადგურიდან ორ ნაბიჯში შეიძლება აღმოჩნდე მთიან ბილიკზე ან ტყის შუაგულში. კუნძულის ზომიდან გამომდინარე, ბუნებასთან კონტაქტი აქ ძალიან მარტივი და ყველასთვის ხელმისაწვდომია.

10. მადეირა ცნობილია ზღვის ფაუნით — აქ შესაძლებელია დელფინებისა და ვეშაპების ნახვა ბუნებრივ გარემოში.

11. მდიდარი კულტურა და ხელოვნება
მადეირაზე მრავალი კულტურული ინიციატივაა, მათ შორის ქუჩის ხელოვნება, პატარა თეატრები, მუსიკალური ღონისძიებები, მუზეუმები და ადგილობრივი ტრადიციების დამცავი ორგანიზაციები.

სტატიის ავტორი: ანი სპარსიაშვილი