გაბორ მატე ცნობილი უნგრელი-კანადელი ექიმი, მწერალი და სპიკერია, რომელიც ფსიქოლოგიას, ტრავმას, დამოკიდებულებებსა და სხეულის ჯანმრთელობას შორის კავშირზე საუბრობს.

იგი დაიბადა ბუდაპეშტში ებრაულ ოჯახში, მეორე მსოფლიო ომის დროს. მისი ოჯახი მძიმე პერიოდს გადაურჩა – დედამისს, რათა მისი სიცოცხლე გადაერჩინა, რამდენიმე თვე მისი მიტოვება მოუხდა. მოგვიანებით, მატეს თქმით, ამ გამოცდილებამ მის ფსიქოლოგიაზე დიდი გავლენა მოახდინა.

გთავაზობთ მის რამდენიმე გამონათქვამს:

1. ტრავმა არ არის ის, რაც თქვენ გადაგხდათ, არამედ ის, რაც თქვენს შიგნით ხდება ამ მოვლენების შედეგად.

2. ტკივილისგან გაქცევის მცდელობა უფრო მეტ ტკივილს ქმნის.

3. სანამ ვიკითხავთ, „რა არ არის რიგზე ამ ადამიანში?“ უნდა ვიკითხოთ, „რა გადახდა მას?“

4. გონებას სხეულისგან ვერ გააცალკევებ, ისევე როგორც ინდივიდს – მის გარემოსგან.

5. დამოკიდებულება არ არის ადამიანის არჩევანი ან მორალური მარცხი. ეს არის რეაქცია ტკივილზე.

გაბორ მატეს ნაშრომები განსაკუთრებით სასარგებლოა მათთვის, ვისაც სურს უკეთ გაიგოს ტრავმის გავლენა, დამოკიდებულებები და ემოციური ჯანმრთელობის მნიშვნელობა.