იღბლიანები არ ვიბადებით, ეს უფრო ყოველდღიური არჩევანის შედეგია. თუ გრძნობთ, რომ „იღბლიანები“ ყოველთვის იღებენ სასურველს, თქვენ კი აგრძელებთ მიზნებისთვის ბრძოლას, დროა შეხედოთ იღბალს, როგორც რაღაც მაკონტროლებელს. ფსიქოლოგიის მიხედვით, არსებობს გარკვეული ჩვევები და მიდგომები, რომლებიც განასხვავებს მათ, ვისაც ცხოვრებაში უმართლებს, მათგან, ვინც მუდმივად მარცხს განიცდის.

აქ მოცემულია 11 ჩვევა, რომელიც დაგეხმარებათ გახდეთ უფრო წარმატებული და თავდაჯერებული, მიიზიდოთ წარმატება თქვენ ცხოვრებაში.

1. ღია არიან უცხოებთან კომუნიკაციისთვის

ფსიქოლოგები ამბობენ, რომ წარმატებული ადამიანები ხშირად ეძებენ ახალ კონტაქტებს. უცნობებთან უბრალო საუბარმა შეიძლება გაგიხსნათ ისეთი შესაძლებლობები, რომლებზეც შეიძლება ვერც იფიქრებდით. კომუნიკაცია გვეხმარება არა მხოლოდ სოციალური წრის გაფართოებაში, არამედ თავდაჯერებულობის გაზრდაში.

გახსოვდეთ: თქვენი კავშირები შეიძლება იყოს გასაღები, რომელიც ხსნის ახალი პროფესიული თუ პირადი შესაძლებლობების კარს. ნუ შეგეშინებთ ხალხთან საუბარი - შემთხვევითმა საუბრებმაც შეიძლება მოგიტანოთ ახალი კარიერული შესაძლებლობა.

2. აფირმაციებს იყენებენ

პოზიტიური აფირმაციები ნამდვილად მუშაობს. ფსიქოლოგები გვირჩევენ, გამოვიყენოთ აფირმაციები, როგორიცაა „მე იღბლიანი ვარ“ ან „მეტი შემიძლია“, რომ წარმატებაზე განეწყოთ. ეს გვეხმარება საკუთარი შესაძლებლობების რწმენაში გავძლიერდეთ და მოვიზიდოთ პოზიტიური ცვლილებები ცხოვრებაში.

მარტივი ხრიკი, რომელსაც იღბლიანი ადამიანები ყოველდღიურად იყენებენ: გაიმეორეთ პოზიტიური ფრაზები, რომლებიც თავდაჯერებულობას გმატებთ და იღბალს ზრდის.

3. ინტუიციას ენდობიან

იღბლიანები საკუთარ თავს უსმენენ და შინაგან ხმას ენდობიან. ინტუიცია გვეხმარება თავიდან ავიცილოთ ტოქსიკური სიტუაციები და ვიმოძრაოთ იმ მიმართულებით, რომელიც ჩვენს ძალას აძლიერებს. როცა ინტუიციას ენდობით, არა მხოლოდ უკეთ უმკლავდებით გამოწვევებს, არამედ პოულობთ უკეთეს გზებს პრობლემების სწრაფად გადასაჭრელად.

ყურადღებით მოუსმინეთ თქვენ შინაგან მდგომარეობს და არ უგულებელყოთ თქვენი გონების და სხეულის სიგნალები.

4. იარლიყებს არ იყენებენ

ადამიანები, რომელთაც სჯერათ იღბლის, სტერეოტიპებით არ იზღუდებიან. მაგალითად, თუ გეტყვიან, რომ „ინტროვერტი“ ხართ, ნუ მიიღებთ ამას რაღაც გარდაუვალად. ფსიქოლოგები ამბობენ, რომ იარლიყები ზღუდავს განვითარებას და ზრდის შესაძლებლობებს. სამაგიეროდ, წარმატებული ადამიანი ღიაა ახალი როლებისა და სიტუაციებისთვის.

ნუ შეიზღუდავთ თავს - იყავით მოქნილი და ნუ შეგეშინდებათ კომფორტის ზონიდან გასვლის.

5. ცვლილებებს იღებენ

იღბლიანებს ცვლილებების არ ეშინიათ, პირიქით, აქტიურად ეძებენ შესაძლებლობებს ცხოვრების შესაცვლელად. სირთულეებთან შეჯახებისას, არ ამბობენ „არ შემიძლია“, არამედ ამბობენ „ამის გადალახვა შესაძლებელია“. თუ ისწავლით ცვლილებების მიღებას, უკეთ შეძლებთ ადაპტაციას და იპოვით შესაძლებლობებს ყველაზე მოულოდნელ ადგილებში.

ნუ შეგეშინდებათ ცვლილებების, რადგან ეს არის ერთადერთი გზა ახალ დონეზე გადასასვლელად.

6. ოპტიმისტები არიან

ოპტიმიზმი არ არის მხოლოდ კარგი განწყობა, ეს არის რთულ სიტუაციებში შესაძლებლობების დანახვის უნარი. იღბლიანები ფიქრობენ, რომ მომავალი უკეთესი იქნება და ეს ეხმარებათ წინ იარონ, დაბრკოლებების მიუხედავად.

შეეცადეთ პოზიტიურად განეწყოთ და წარმატების გჯეროდეთ - ეს იქნება თქვენი მომავალი წარმატებული გზის გასაღები.

7. აღიარებენ ყველაზე უარეს სცენარებს

საინტერესოა, რომ წარმატებულ ადამიანებს შესაძლო წარუმატებლობებზე ფიქრი არ აშინებთ. აცნობიერებენ, რომ ზოგჯერ შეიძლება ყველაფერი ისე არ მოხდეს, როგორც დაგეგმილია, და ასეთ სიტუაციებს გაკვეთილებად მიიჩნევენ. ასე ინარჩუნებენ სიმშვიდეს და თავდაჯერებულობას ნებისმიერ ვითარებაში.

შიშის აღიარებას არ გაექცეთ, არამედ გამოიყენეთ ზრდის შესაძლებლობად.

8. აღიარებენ თავიანთ შფოთვას და შიშს

თანამედროვე საზოგადოება ხშირად ფოკუსირებულია ემოციებისგან თავის დაღწევაზე, როგორიცაა შფოთვა. თუმცა, იღბლიანები აცნობიერებენ თავიანთ გრძნობებს და მუშაობენ მათთან. ესმით, რომ მხოლოდ შიშების გაცნობიერება ეხმარებათ მათთან გამკლავებაში.

მიეცით საკუთარ თავს უფლება, რომ განიცადოთ ემოციები და არ შეგეშინდეთ მათთან მუშაობა.

9. ხმამაღლა საუბრობენ თავიანთ მიზნებზე

წარმატებული ადამიანები ღიად ლაპარაკობენ თავიანთ მიზნებზე. ეს არ ნიშნავს ტრაბახს, მაგრამ ეხმარებათ მიიპყრონ სხვების ყურადღება და მხარდაჭერა. მიზნებზე საუბარი ზრდის შესაძლებლობებს, რომლებიც სხვაგვარად შეიძლება შეუმჩნეველი დარჩენილიყო.

ისაუბრეთ თქვენ მიზნებზე და არ შეგეშინდეთ მათზე ხმამაღლა ლაპარაკი.

10. იღებენ თავიანთ ნაკლოვანებებს

იღბლიანმა ადამიანებმა იციან, როგორ მიიღონ საკუთარი თავი ისეთი, როგორიც არიან, ნაკლოვანებების ჩათვლით. ისინი არ ფიქრობენ თავიანთ შეცდომებზე, არამედ იყენებენ მათ პიროვნული ზრდისთვის. ეს ეხმარებათ შეინარჩუნონ თავდაჯერებულობა და არ დაკარგონ საკუთარი თავის რწმენა.

ისწავლეთ თქვენი ნაკლოვანებების მიღება და ფოკუსირება თქვენ ძლიერ მხარეებზე.

11. ცნობისმოყვარეობის გამო მოქმედებენ

იღბლიანი ადამიანი ყოველთვის ცდილობს, ისწავლოს რაიმე ახალი. ღიაა ახალი იდეებისთვის და აქტიურად ეძებს შესაძლებლობებს თვითგანვითარებისთვის. ცნობისმოყვარეობა ეხმარებათ იპოვონ ახალი ჰორიზონტები და აღმოაჩინონ წარმატების მოულოდნელი გზები.

განავითარეთ ცნობისმოყვარეობა, ნუ შეგეშინდებათ კითხვების დასმის და პასუხების ძიების - ეს გაგიხსნით ახალ შესაძლებლობებს.

ასევე დაგაინტერესებთ:

6 ქუდის მეთოდი: რა გავაკეთოთ საუკეთესო გადაწყვეტილების მისაღებად

13 პატარა ხრიკი, როგორ აიმაღლოთ მოტივაცია

10 რამ, რასაც მხოლოდ ღარიბი ადამიანი აკეთებს, მდიდარი - არასდროს

5 რამ, რასაც მდიდარი ადამიანები არასდროს ყიდულობენ, ხოლო ღარიბები მასში ფულს ყრიან

5 რჩევა, როგორ შექმნათ ფინანსური უსაფრთხოების ბალიში