აშშ-ს მცხოვრებმა ნატალი სულემანმა, 14 შვილის დედამ, აღიარა, რომ 25 წლის განმავლობაში თავს არიდებდა სექსს. ამის შესახებ მან People-თან ინტერვიუში ისაუბრა.

სულემანი ცნობილი 2009 წელს გახდა, როდესაც პირველად მსოფლიოში რვა შვილები გააჩინა - ექვსი ბიჭი და ორი გოგონა. ბავშვებიდან ყველა გადარჩა.

ის ახლა 49 წლისაა. მისივე თქმით, ბავშვობიდან მარტოობას ამჯობინებდა და 2000 წელს მხოლოდ იმიტომ გათხოვდა, რომ შვილები გაეჩინა და ნათესავების მოთხოვნა დაეკმაყოფილებინა.

მედიაში დიდი აჟიოტაჟი გამოიწვია მისმა ისტორიამ იმის შესახებ, თუ როგორ გადაწყვიტა რვა შვილი ჰყოლოდა მარტოხელა დედას და კიდევ ექვსი შვილი მიემატებინა, ქალი მშობლებთან ერთად ცხოვრობდა და ფინანსურად უჭირდა.

ქორწინება 2006 წელს გაყრით დასრულდა, მაგრამ სულემანს ყოველთვის სურდა დიდი ოჯახი ჰქონოდა. თუმცა მას არ სურდა და არც აინტერესებდა სექსი, უყვარდა მარტოობა, ამიტომ ყველა მისი შვილი დონორის სპერმის გამოყენებით გაჩნდა. ექვსი მათგანის ბიოლოგიური მამა მისი ნაცნობი იყო.

ის განმარტავს: „გათხოვილი ვიყავი, მაგრამ მხოლოდ ქაღალდზე. ის უბრალოდ დონორი იყო და მე უბრალოდ ვცდილობდი დამემშვიდებინა მამის მხრიდან ჩემი ძალიან ძველმოდური ოჯახი ახლო აღმოსავლეთიდან, სადაც ზოგჯერ ქორწინება ჯერ კიდევ წინასწარ არის შეთანხმებული“.

„ყოველთვის ვებრძოდი შფოთვას. პატარაობიდან მოყოლებული, ყოველთვის ძალიან მტკივნეულად მორცხვი ინტროვერტი ვიყავი, - ამბობს ის. -ნამდვილად, არავისთვის თვალებშიც კი არ შემიხედავს მთელი ჩემი ცხოვრების განმავლობასი, სანამ კოლეჯში არ მივედი და ვაიძულე საკუთარი თავი ეს გამეკეთებინა. ყოველთვის მარტოსული და ჩემს სამყაროში ჩაკეტილი ვიყავი"

სულემანმა თქვა, რომ ის უკვე 25 წელია ცელიბატია. "მე ნამდვილად ვამაყობ ამით, " ამბობს ის.