სიყვარული, ვნება, ღალატი და შინაგანი ტანჯვა - ეს თემები უცვლელი რჩება ლიტერატურაში, ეპოქის მიუხედავად. კლასიკური სასიყვარულო რომანები არ არის მხოლოდ ისტორიები გრძნობების შესახებ, არამედ ღრმა ფიქრი ადამიანის ბუნებაზე, მორალურ ღირებულებებსა და სოციალურ ნორმებზე. უდიდესმა მწერლებმა ნაწარმოებებში აღბეჭდეს თავიანთი გმირების დრამატული ბედი, რითაც მკითხველს აიძულეს თანაგრძნობა, დაფიქრება და ზოგჯერ სიყვარულზე შეხედულებების გადახედვა. ქვემოთ მოცემულია სასიყვარულო რომანები, რომელთაგან თითოეული თავისებურად ავლენს ამ მარადიული გრძნობის მრავალმხრივ ბუნებას.

ენ ბრონტე „მდგმურად უაილდფელ ჰოლში“

ენ ბრონტემ, ცნობილი დებიდან უმცროსმა, შექმნა ნაწარმოები, რომელმაც ნამდვილი სკანდალი გამოიწვია ვიქტორიანულ ინგლისში. „მდგმურად უაილდფელ ჰოლში“ არ არის მხოლოდ სიყვარულის ისტორია, არამედ ქალის დამოუკიდებლობის მანიფესტი. მთავარი გმირი, რომელიც გაექცა სასტიკ და ალკოჰოლიკ ქმარს, საზოგადოების დაგმობის მიუხედავად, მარტო ცხოვრებას გადაწყვეტს.

ენი გვიჩვენებს რეალობას შელამაზების გარეშე: მისი რომანი ეხება ოჯახური ძალადობის, ქალების ჩაგვრის და მათი თავისუფლების უფლების რთულ საკითხებს. თუმცა მთავარი, რასაც ეს წიგნი გვაძლევს, არის ბედნიერების შესაძლებლობის იმედი ყველაზე რთული განსაცდელების შემდეგაც.

ჯეინ ოსტინი „გონების ხმა“

ჯეინ ოსტინის ბოლო დასრულებული რომანი არის ისტორია იმის შესახებ, თუ როგორ შეუძლია სიყვარულს გაუძლოს წლების განსაცდელებს და სოციალურ ცრურწმენებს. ენ ელიოტი იძულებულია შეყვარებულთან ურთიერთობა გაწყვიტოს, რადგან საზოგადოება მას შეუფერებლად მიიჩნევს. 8 წლის შემდეგ ბედი მათ მეორე შანსს აძლევს, მაგრამ გამოიყენებენ თუ არა მას?

ოსტინი თავისი განუმეორებელი სტილითა და დახვეწილი სატირით აღადგენს მე-19 საუკუნის ინგლისური პროვინციის ატმოსფეროს, სადაც ქორწინება არ არის მხოლოდ გრძნობების საკითხი, არამედ სტრატეგიული გადაწყვეტილება. თუმცა, სწორედ „გონების ხმაში“ ჟღერს აზრი, რომ გული გონებაზე ძლიერი უნდა იყოს, თუ სიყვარული ნამდვილად გულწრფელია.

ედით უორტონი „უმანკოების ხანა“

რომანი, რომლისთვისაც ედით უორტონმა პულიცერიის პრემია მიიღო, გადაგიყვანთ მე-19 საუკუნის ნიუ-იორკში. მაღალი საზოგადოება კარნახობს საკუთარ წესებს, მაგრამ სიყვარული იძულებულია დაემორჩილოს საზოგადოების კონვენციებს. ნიულენდ არჩერი ვნებასა და თავისუფლებაზე ოცნებობს, მაგრამ დაპირების გამო ქორწინდება გოგონაზე, რომელიც არ უყვარს. ყველაფერი იცვლება, როდესაც მის ცხოვრებაში შემოდის იდუმალი გრაფინია ელენ ოლენსკა - ქალი, რომელმაც წესები უარყო და გადაწყვიტა ბედის წინააღმდეგ წასვლა.

უორტონი ოსტატურად აღწერს სამყაროს, რომელშიც გარეგნულ ბრწყინვალებაში იმალება გაუთავებელი კომპრომისები და აკრძალული სურვილები. მისი რომანი არ არის მხოლოდ სიყვარულის ისტორია, არამედ საზოგადოების დახვეწილი და ღრმა პორტრეტი, სადაც პირადი ბედნიერება სოციალური ნორმებით დაჩრდილულია.

ასევე დაგაინტერესებთ:

სახალისო ფოტოპროექტი წიგნებზე, რომელსაც ყველა ვერ გაიგებს

საშიში ლიტერატურა: ვინ და როდის დაწერა მსოფლიოში პირველი აკრძალული წიგნი

ლიტერატურულმა ექსპერტებმა დაასახელეს 100 წიგნი, რომლებმაც კაცობრიობის ისტორია შეცვალეს

მსოფლიოს 17 ბესტსელერი წიგნი, რომლის იმდენი ეგზემპლარი გაიყიდა, რომ ძნელი დასაჯერებელია

ნიჭიერად დაწერილი წიგნების ეკრანიზაცია, რომლებმაც „ოსკარი“ დამსახურებულად მიიღეს