როგორ ტრანსფორმაციას ახდენს სიკეთე ადამიანის ცხოვრებაზე?

დოქტორი უეინ დაიერი თავის ერთ-ერთ ლექციაზე "განზრახვის ძალა, სიკეთის სახე" საუბრობდა სიკეთის ძალაზე, მასზე, თუ როგორ გარდაქმნის ის ადამიანის ცხოვრებას. ის ამბობდა - ჩატარდა მომხიბლავი კვლევა, რომელიც ახლახან დასრულდა, რომელიც ადასტურებს, რომ ნებისმიერ ადამიანში, რომელიც არის სიკეთის აქტის მიმღები, იზრდება სეროტონინის დონე, მხოლოდ იმიტომ, რომ მან მიიღო სიკეთის აქტი და მისი იმუნური სისტემა გაძლიერდა, რადგან მიიღო სიკეთის ესა თუ ის დოზა."

რა არის სეროტონინი? სეროტონინი, იგივე ბედნიერების ჰორმონი, ქიმიური ნივთიერებაა, რომლის გამომუშავებაც ნერვულ უჯრედებში ხდება და დიდ გავლენას ახდენს ხასიათსა და განწყობაზე.

საინტერესოა, რომ არა მხოლოდ სიკეთის მიმღები, ნებისმიერი ადამიანი, რომელიც გასცემს, ახორციელებს სიკეთის ქმედებას, ასევე იღებს სეროტონინის დიდ დოზას და იუმჯობესებს იმუნიტეტს. "ეს ეხება ყველაფერს. რასაც კი ოდესმე აკეთებ, მაგრამ განსაკუთრებით იმ ადამიანების მიმართ, ვისთანაც ახლოს ხარ შენს ცხოვრებაში, და განსაკუთრებით უცხო ადამიანების მიმართ, მხოლოდ ღიმილითაც კი, შენში სეროტონინის დონე იზრდება ისევე, როგორც მიმღებში, და ასევე აძლიერებს იმუნიტეტს. გსურთ გააძლიეროთ თქვენი იმუნური სისტემა? იყავითკეთილი.

"მაგრამ კიდევ უფრო დრამატული ის არის, რომ სიკეთის მოქმედების დამკვირვებელსაც აქვს სეროტონინის დონის მომატება და იმუნური სისტემის გაძლიერება, მხოლოდ იმიტომ, რომ ისინი იმყოფებიან იმ ადამიანის ენერგეტიკულ სფეროში, ვინც სიკეთეს ავლენს. როდესაც ხედავთ, რომ ვიღაც კეთილგანწყობილია სხვა ადამიანის მიმართ, ეს ჰგავს ანტიდეპრესანტის დოზას" - ამბობდა უეინ დაიერი.

უეინ უოლტერ დაიერი იყო ამერიკელი ავტორი, თვითდახმარების და მოტივაციური სპიკერი. დაიერმა მოიპოვა ბაკალავრის ხარისხი ისტორიასა და ფილოსოფიაში, მაგისტრის ხარისხი ფსიქოლოგიაში და დოქტორის ხარისხი განათლებაში.

მას ეკუთვნის წიგნები - "შენი მცდარი ზონები", "განზრახვის ძალა", "აზრები ცვლის შენს ცხოვრებას", "შესრულებული სურვილები", "შენი საბოლოო მოწოდება" და სხვ.

რაც შეეხება მის პირად ფილოსოფიურ მსოფლმხედველობას, დაიერი ამბობდა: „ჩემი რწმენაა, რომ ჭეშმარიტება არის ჭეშმარიტება, ვიდრე მას არ მოაწესრიგებ, რის შემდეგაც ის იქცევა სიცრუედ.... მე არ ვფიქრობ, რომ იესო ასწავლიდა ქრისტიანობას, იესო ასწავლიდა სიკეთეს, სიყვარულს, ზრუნვას და მშვიდობას. მე კი ხალხს ვეუბნები, ქრისტიანები კი არა, ქრისტეს მსგავსნი იყავით.“

დოქტორ დაიერის ყველაზე ცნობილი გამონათქვამია - "როდესაც არჩევანი გაქვს იყო სწორი ან კეთილი, ყოველთვის გააკეთე არჩევანი იმაზე, რომელსაც მშვიდობა მოაქვს."