ფილმებისა და სერიალების შესახებ ინფორმაციის უდიდესმა წყარომ IMDb-მა წლის ყველაზე პოპულარული პროექტების ყოველწლიური სია გამოაქვეყნა. ეს ათეული იქმნება არა მაყურებლების შეფასებით ან კრიტიკოსების რეიტინგით, არამედ კონკრეტული სერიალისთვის მიძღვნილი გვერდების ნახვების რაოდენობით. IMDb-ის საიტს ყოველთვიურად ასობით მილიონი უნიკალური მომხმარებელი სტუმრობს, რაც ამ რეიტინგს აუდიტორიის რეალური ინტერესის მაჩვენებლად აქცევს.

რომელმა სერიალმა მიიპყრო ყველაზე მეტი ყურადღება 2024 წელს? ნაცნობი პროექტების რომელმა დაბრუნებამ დააინტერესა მაყურებელი ყველაზე მეტად? სხვათა შორის, ათეული შუაზე გაიყო: ათეულის ნახევარი ახალი სერიალებია, ნახევარი - ცნობილი პროექტის გაგრძელება.

მე-10 ადგილი - „სამი სხეულის პრობლემა“

მაყურებლის რეიტინგი: 7, 5

ლუ სიქსინის ამავე სახელწოდების სამეცნიერო-ფანტასტიკური რომანის ადაპტაცია. სერიალი მოგვითხრობს კაცობრიობის პირველი კონტაქტის შესახებ უცხო ცივილიზაციასთან გლობალური სოციალური და პოლიტიკური აჯანყების ფონზე.

მე-9 ადგილი - „ჯენტლმენები“ (მინი სერიალი)

მაყურებლის რეიტინგი: 8.0

სერიალი დაფუძნებულია გაი რიჩის ამავე სახელწოდების ფილმზე. სიუჟეტი მოგვითხრობს ქარიზმატულ კრიმინალებზე, რომლებიც ცდილობენ მოერგონ კრიმინალური ბიზნესის ცვალებად პირობებს. სავსეა საფირმო იუმორით, სტილით და ექშენით.

მე-8 ადგილი - „ბეჭდების მბრძანებელი: ძალაუფლების ბეჭდები“

მაყურებლის რეიტინგი: 6, 9 (ყველაზე დაბალი ათეულში)

2024 წელს მეორე სეზონი გამოვიდა. ეპიკური სერიალის გაგრძელება, რომელიც იკვლევს შუახმელეთის ისტორიას „ჰობიტისა“ და „ბეჭდების მბრძანებლის“ მოვლენებამდე რამდენიმე ათასი წლით ადრე. მეორე სეზონი გვპირდება უფრო ფართომასშტაბიან ბრძოლებს, უძველეს საიდუმლოებებს და ლეგენდარულ პერსონაჟებს. აი, შეძლეს თუ არა ამის ეკრანზე გადატანა, სხვა საკითხია.

მე-7 ადგილი - „ბრიჯერტონი“

მაყურებლის რეიტინგი: 7, 4

2024 წელს გამოვიდა მესამე სეზონი. ცნობილი ისტორიული დრამის მორიგი თავი სიყვარულის, ინტრიგების და ოჯახური საიდუმლოებების შესახებ.

მე-6 ადგილი - „სიოგუნი“

მაყურებლის რეიტინგი: 8, 6

ჯეიმს კლაველის კლასიკური რომანის ეპიკური ადაპტაცია. ამბავი კულტურულ შეჯახებებზე, პოლიტიკურ ინტრიგებზე და ბრიტანელი მეზღვაურის გადარჩენა ფეოდალურ იაპონიაში.

მე-5 ადგილი - „დრაკონის სახლი“

მაყურებლის რეიტინგი: 8, 3

2024 წელს მეორე სეზონი გამოვიდა. „სამეფო კარის თამაშების“ პრიკველის გაგრძელება, რომელსაც გადავყავართ ტარგარიენის ეპოქაში. სამეფო ინტრიგები, დრამები და სისხლიანი ბრძოლები რკინის ტახტისთვის - ალბათ, ყველაფერი იცით ამის შესახებ.

მე-4 ადგილი - ფოლაუტი

მაყურებლის რეიტინგი: 8, 3

საკულტო ვიდეო თამაშების სერიის დიდი ხნის ნანატრი ადაპტაცია, რომელიც ვითარდება ბირთვული ომის შედეგად განადგურებულ პოსტაპოკალიფსურ სამყაროში. რეტროფუტურიზმის უნიკალური ესთეტიკა, იუმორი და შესანიშნავი პერსონაჟები სერიალს ამ წლის ერთ-ერთ ყველაზე მნიშვნელოვან კინომოვლენად აქცევს.

მე-3 ადგილი - პინგვინი

მაყურებლის რეიტინგი: 8, 7

ბეტმენის სერიალის და ფილმის სპინოფი, რომელიც ორიენტირებულია გოთემის ერთ-ერთ ყველაზე ცნობილ ბოროტმოქმედზე, ოზვალდ კობლპოტზე, იგივე პინგვინზე. კოლინ ფარელი ისევ სრულიად ამოუცნობია, მაგრამ მის გარდა აქ ბრწყინავს კრისტინ მილიოტი, რომელიც სოფია ფალკონეს როლს ასრულებს.

მე-2 ადგილი - „ბიჭები“

მაყურებლის რეიტინგი: 8, 7

2024 წელს გამოვიდა მეოთხე სეზონი. „ბიჭები“ დაბრუნდნენ, რომ ისევ რაც შეიძლება შორს გაიჭრან. ერთი შეხედვით, სერიალი ერთ ადგილზე გაჩერდა, მაგრამ სეზონის დასასრულს მაყურებელი ხვდება ისეთ ჩახლართულ ამბებში, რომ მე-5 სეზონი იქნება ნებისმიერი წლის მოვლენა, როცა გამოვა.

1-ელი ადგილი - „ნამდვილი დეტექტივი“

მაყურებლის რეიტინგი: 8, 9 (ყველაზე მაღალი ათეულში)

2024 წელს გამოვიდა მეოთხე სეზონი. არ ველოდით! ანთოლოგიის ახალი სეზონი, რომელიც იძიებს იდუმალ გაუჩინარებას ალასკაში. შთამბეჭდავი ატმოსფერო, ინტენსიური დრამა და ძლიერი სამსახიობო თამაში (აქ გვყავს ჯოდი ფოსტერი!) სერიალის საუკეთესო ტრადიციებში.

ასევე დაგაინტერესებთ:

2024 წლის ყველაზე პოპულარული მსახიობების სია IMDb-ის მიხედვით

„მატარებელი ბუსანში“ და „კივილი“: Collider-მა დაასახელა 20 საუკეთესო დორამა ზომბებზე

10 წარმატებული სერიალი, რომელიც კინაღამ დაასამარეს ერთი პატარა „მაგრამ“-ის გამო

15 საუკეთესო დასრულებული სერიალი IGN-ის მიხედვით, სადაც ბევრი სიურპრიზია

12 თურქული სერიალი, რომლებიც ჰოლივუდში არ გადაუღიათ, მაგრამ არაფრით ჩამოუვარდება "სამეფო კარის თამაშებს"