საზოგადოება
"გაგიჟებულიაო, ანგრევს თურმე ყველაფერს"- ვისზე საუბრობს ვახო სანაია
2023, 16 სექტემბერი, 8:45
ჟურნალისტი ვახო სანაია ამერიკის შეერთებული შტატების მიერ საქართველოს ყოფილი გენერალური პროკურორის, ოთარ ფარცხალაძის დასანქცირების საკითხის "ფეისბუქის" პირად გვერდზე ირონიული პოსტით ეხმაურება და წერს:
"გაგიჟებულიაო ლილუაშვილი, ანგრევს თურმე ყველაფერს, როგორ შემომაპარეს რუსეთის აგენტიო."- ვკითხულობთ ვახო სანაიას პოსტში.
ცნობისთის, სახელმწიფო უსაფრთხოების სამსახურმა ამერიკის შეერთებული შტატების მიერ საქართველოს ყოფილი გენერალური პროკურორის, ოთარ ფარცხალაძის დასანქცირების საკითხის შესწავლა დაიწყო. შესაბამის ინფორმაციას უწყება ავრცელებს.
"საზოგადოების მაღალი დაინტერესებიდან გამომდინარე, გაცნობებთ, რომ აშშ-ის სახელმწიფო დეპარტამენტის მიერ ოთარ ფარცხალაძესთან დაკავშირებით გაკეთებული განცხადების ირგვლივ საქართველოს სახელმწიფო უსაფრთხოების სამსახურში მიმდინარეობს საკითხის შესწავლა", - აცხადებენ სუს-ში.
