თუ ჯერ კიდევ ებრძვით საძულველ ცელულიტს, მაშინ იცოდეთ რომ ცნობილმა ადამიანებმა ეს უმადური საქმე უკვე დიდი ხანია მიატოვეს. მათ უბრალოდ მიიღეს საკუთარი თავი და შეწყვიტეს ფიქრი თავიანთი სხეულის ნაკლოვანებებზე, მაგრამ ზოგჯერ პაპარაცები მაინც ახერხებენ მათი დეფექტების მთელი თავისი სიდიადით გამომზეურებას და სრულიად სამყაროსთვის ჩვენებას.

კიმ კარდაშიანი

კიმი უკვე დიდი ხანია მიეჩვია, რომ მთელი ყურადღება მის ფორმებს, კერძოდ კი, დუნდულებს ეთმობა. კარდაშიანს არ ერიდება საკუთარი თავის შეულამაზებლად წარმოჩენა, პირიქით, მას საკუთარი სხეულის დეფექტებიც კი მოსწონს. ამერიკელი ფოტომოდელი თვლის, რომ ცელულიტი და სხვა ნაკლოვანებები მას ჩვეულებრივ მოკვდავებთან კიდევ უფრო აახლოს, ისე კიმი ბევრს სწორედ მისი ღიაობისა და გულწრფელი ფოტოების გამო უყვარს.

ეშლი გრემი

პოპულარული ამერიკელი პლუს-ზომის მოდელი ეშლი გრემი გოგონებს საკუთარი თავის მიმღებლობისკენ მოუწოდებს. ამ კატეგორიაში ერთ -ერთი წარმატებული მოდელი თავისი სხეულის Photoshop-ში დამუშავების კატეგორიული წინააღმდეგია და მხოლოდ იმ კომპანიებთან თანამშრომლობს, რომელთა კონტრაქტშიც არის პირობა, რომლის მიხედვითაც მისი ფოტოები არ უნდა რედაქტირდეს.

პერის ჰილტონი

მიუხედავად იმისა, რომ პერისი სპორტით აქტიურად არის დაკავებული, მზაკვრული ცელულიტი მისი სხეულის დატოვებას მაინც არ ჩქარობს, მაგრამ ვარსკვლავს ეს სულაც არ აწუხებს, ცნობილი მსახიობი, მოდელი და ბიზნეს ქალბატონი კვლავ განაგრძობს ჯანსაღი ცხოვრების წესით ცხოვრებას პირველ რიგში საკუთარი ჯანმრთელობისთვის, ხოლო ლამაზი კანი მისთვის უკვე - მეორე ადგილზეა.

სკარლეტ იოჰანსონი

კაცები იოჰანსონის ფუმფულა ფორმებზე გიჟდებიან, მაგრამ სინამდვილეში მისი რეალური ფიგურა რეტუშირებული ფოტოებისგან მკვეთრად განსხვავდება. მსახიობს უკანალი "ფორთოხლის კანით" აქვს დაფარული, მისი მკერდი კი ოდნავ დაშვებულია. მიუხედავად ამისა სკარლეტი თავს შესანიშნავად გრძნობს და დიდად არც ის ფაქტი ანაღვლებს თუ მისი არასრულყოფილი ფორმების გამო ვინმეს იმედები გაუცრუვდება.

ალესანდრა ამბროსიო

"Victoria's Secret"-ის ბრენდის მოდელი რეალურ ცხოვრებაში ჩვეულებრივი ქალივით გამოიყურება, თუმცა რეტუშირებულ ფოტოებზე ამბროსიო - ნამდვილი სრულყოფილებაა. ხშირად მოდელები და მსახიობები საკუთარი სხეულის ნაკლოვანებებს ყურადღებას არ აქცევენ, რადგან მშვენივრად ესმით, რომ არსებობს ირეალური ცხოვრება, სადაც ყველა და ყველაფერი სრულყოფილია, და არის რეალობა, სადაც სრულყოფილი არავინაა და რომ დეფექტები ყველას აქვს.

ისკრა ლოურენსი

ბრიტანელმა პლუს- ზომის მოდელმა ერთ-ერთ ინტერვიუში აღიარა, რომ არ არსებობს დიდი წონის ადამიანი ცელულიტის გარეშე, და რომ ის საშუალო წონის ადამიანებსაც აქვთ. ასე რომ, სანერვიულო არაფერია, "ფორთოხლის კანი" თითქმის ყველას აქვს.

ალიშა ქისი

სწორად შერჩეული რაკურსი, და ფიგურა თითქმის სრულყოფილი ხდება, მაგრამ სინამდვილეში ყველაფერი სხვაგვარადაა. ალიშა ქისმა ყველა ხალხური საშუალება და საუკეთესო კოსმეტიკური პროცედურები სცადა, წყლის მიღების რეჟიმიც დაიცვა და ცელულიტის დაშლის სპეციალური ვარჯიშებიც აკეთა, თუმცა მომღერლის რამდენიმე წლიანმა ბრძოლამ შედეგი ვერ გამოიღო. ერთ დღესაც ალიშამ მტკიცედ გადაწყვიტა, თავი მეტი აღარ დაეტანჯა და ცხოვრებისგან მხოლოდ სიამოვნება მიეღო.

კრისტინა აგილერა

ორმოცი წლისთვის კრისტინამ წონაში საგრძნობლად მოიმატა, თუმცა პოპ-ვარსკვლავს ფუმფულა ფორმები ძალიან უხდება. მომღერლს ერთ იმიჯში იშვიათად ნახავთ, მომღერალი ხან ხდება, ხანაც იმატებს. ასეთი ექსტრიმისგან კრისის კანმა ელასტიურობა დაკარგა და კანზე ბორცვები, ჩაღრმავებები და ცელულიტი გაუჩნდა. როგორც მომღერალმა თავის ერთ - ერთ ბოლო ინტერვიუში განაცახდა ის ჭარბ წონასთან და მის შედეგებთან ბრძოლით დაიღალა, ამიტომ საკუთარი სხეულის მიღება გადაწყვიტა, თუმცა ეს მომღერლის პირველი ასეთი განცხადება არ არის, ვინ იცის, შეიძლება პოპ - დივა უახლოეს მომავალში გამხდარი კვლავ ვიხილოთ.

უმა თურმანი

კანზე არსებული ბორცვები და ჩაღრმავებები არა მხოლოდ ჭარბწონიან ადამიანებს აწუხებს. აღნიშნულ პრობლემას კარგად ასევე გამხდარი ქალებიც იცნობენ. უმა თურმანს "ფორთოხლის კანი" და სტრიები მშობიარობის შემდეგ გაუჩნდა, თუმცა ლამაზმანს ეს ზღვით ტკბობაში და ღია საცურაო კოსტიუმით გარუჯვაში ხელს არანაირად არ უშლის.