რუსული მედიის ინფორმაციით, ლეგენდარული როკ-ჯგუფის "მაშინა ვრემენის" ლიდერმა საქართველოში, აჭარაში ზღვისპირას აპარტამენტი იყიდა.

kp-ს ცნობით, მუსიკოსმა ბინა ბათუმიდან 14 კილომეტრში, შავი ზღვის სანაპიროზე მდებარე დაბა გონიოში იყიდა. უძრავი ქონების სააგენტო Fatum-ის წარმომადგენლების თქმით, "მაშინა ვრემენის"-ის ლიდერმა მშენებარე კომპლექს Wyndham Grand Aqua-ში ბინა იყიდა.

რეზიდენცია, რომელშიც მაკარევიჩმა გადაწყვიტა დასახლება, არ არის მხოლოდ საცხოვრებელი კორპუსი, არამედ ხუთვარსკვლავიანი კურორტი. 15 ათას კვადრატულ მეტრზე განთავსებულია 12 რესტორანი, მათ შორის ჰალალისა და კოშერის სამზარეულოთი, SPA, საცურაო აუზები, საბავშვო და სპორტული მოედნები, ბიზნეს ინფრასტრუქტურა, ჰალალის სპა კომპლექსი და ვერტმფრენის მოედანი, სამედიცინო მომსახურება, ბქიმწმენდისა და დასუფთავების სამსახური.

ნაკლებად სავარაუდოა, რომ მაკარევიჩი აქ მუდმივად იცხოვროს: პირიქით, როკერმა გადაწყვიტა საქართველოში საცხოვრებელი ბინა ინვესტიციის სახით შეეძინა. ბინები Wyndham Grand Aqua-ში საკმაოდ იაფია ვარსკვლავური სტანდარტებით. მუსიკოსმა ყველაზე ძვირადღირებული ოროთახიანი 60 კვადრატული ბინა აივნით და ზღვის ხედით 229 ათას დოლარად იყიდა - შეძლებული ადამიანებისთვის ეს უბრალოდ კაპიკებია. კორპუსში უფრო იაფი ბინებიც იყიდება: მაგალითად, სტუდიოს ტიპის ბინა 64 ათას დოლარი ღირს.

რუსეთის უკრაინაში შეჭრის შემდეგ ებრაული წარმოშობის რუსმა როკ-მუსიკოსმა პროტესტის ნიშნად ქვეყანა დაატოვა და ისრაელში გადასახლდა, იგი წლებია პუტინის პოლიტიკის და საერთოდ რუსი ერის მწვავე კრიტიკოსია, მუსიკოსმა რა თქმა უნდა გააპროტესტა 2008 წლის აგვისტოს ომიც.

ანდრეი მაკარევიჩს და ჯგუფ "მაშინა ვრემენის" კონცერტი გასული წლის სექტემბერში უნდა ჩაეტარებინა თბილისში, კერძოდ სპორტის სასახლეში, თუმცა კონცერტი მოულოდნელად გაუქმდა, მიზეზად კი დარბაზის მფლობელმა უარის ფორმალურ მიზეზად სარემონტო სამუშაოები დაასახელა.

მაში კულტურის სამინისტრომ განმარტა, რომ ძველი სპორტის სასახლე უკვე მრავალი წელია კერძო საკუთრებაა და „კერძო კომპანიის ქონებაში კონცერტის ჩატარების საკითხი ბევრად სცილდება სამინისტროს კომპეტენციას“..